JOHANNES 17:26 - BIBEL JAMITA NA DENGGAN

²⁶ Madung Hupabotohon Damang tu halahi; jana sai pupuonKu do mambaen songon i, anso laing dihilala halahi muse holong ni roha ni Damang tu Au jana Au pe sada ma dohot halahi.”

JOHANNES 17:26 ပူးပေါင်းရင်းမြစ်များ

MASMUR 22:22

Sai paboa-boaonku do pambaenanMu tu bangsoMu, di parluhut-luhutan ni halahi, papuji-pujionku do goarMu.

JOHANNES 14:20

Di hatiha i tangkas ma botoonmunu, na di bagasan Damang do Au, hamu pe di bagasan Au jana Au di bagasan hamu.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 15:4

Tinggal ma hamu di bagasan Au, jana Au di bagasan hamu. Anggo ranting, nada tarbaen marbatu sian dirina, anggo so tinggal di bona ni anggur i. Laing songon i do muse hamu muda so tinggal di bagasan Au.

JOHANNES 15:9

Huhaholongi do hamu songon pangkaholongi ni Damang tu Au.

JOHANNES 17:23

sada Au dohot halahi jana sada Damang dohot Au; anso sada situtu halahi jana hara ni i botoon ni portibi on ma Damang do marsuru Au jana dihaholongi Damang do halahi songon panghaholongi ni Damang tu Au.

JOHANNES 17:6

Madung Hupatorang Ho Amang tu angka jolma na sian portibi on, i ma na dung nipasahatMu tu Au. Ho do Amang nampuna halahi; jana madung dipasahat Ho halahi tu Au. Madung diihutkon halahi hata na nilehenMi.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 6:56

Halak na mangankon pamatangKu jana na manginum mudarKu, ngolu ni halahi ma na sada tu Au jana ngolungKu pe sada tu halahi.

JOHANNES 8:50

Nada manjalahi sangap tu diringKu sandiri Au. Adong do Sada na manjalahisa jana Ia do na manguhumi.

SURAT NI SI PAULUS TU PARLAGUTAN ROM 8:10

Tapi muda dung nipatigor hamu jana mangolu Kristus di bagasan dirimunu, jadi Tondi i ma gabe hangoluanmunu, haru pe angkon mate pamatangmunu hara ni dosa.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 KORINTUS 12:12

Songon pamatang ni jolma do Kristus i; sada do pamatang i, tapi marbagian-bagian do i. Haru pe bahat bagian-bagian i, laing sada pamatang do sude angka bagian-bagianna i.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

EPESUS 5:30

angke goar-goaran ni pamatang ni Kristus do hita.)

EPESUS 5:32

Bagas do na nidok ni hata i. Tapi domu tu parsambungan ni Kristus dohot parlagutan i do na hudok disi.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

KOLOSSE 2:10

Jana di na mardomu dohot Kristus, sanggam ma ngolumunu dibaen Ia. Angke Kristus do uluan ni sude tondi na markuaso dohot na mamarenta.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

IBRANI 2:12

Ning Ia ma, “PaboaonKu ma tu angka kahanggingKu taringot tu Ho. PujionKu ma Ho di tonga-tonga ni parlagutan.”

1 JOHANNES 3:24

Barang ise na mangoloi angka na niparentahonNia, na maringanan do ia di bagasan Debata, jana Debata di bagasan ia. Jana taboto ma bahaso Debata maringanan di bagasan hita, i ma hara ni Tondi na dung dilehenNia tu hita.