JOHANNES 17:25 - BIBEL JAMITA NA DENGGAN

²⁵ Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 17:25 ပူးပေါင်းရင်းမြစ်များ

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 10:15

songon Damang na mananda Au jana Au mananda Damang. Jana Hulehen do hosangKu humopkop biri-biringKi.

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

JOHANNES 16:30

Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

JOHANNES 17:21

Hupangido tu Damang anso gabe sada halahi sude, songon Damang na sada dohot Au jana Au sada muse dohot Damang. Sai sada ma nian halahi dohot Hita anso porsaya portibi on na nisuru ni Damang do Au.

JOHANNES 17:23

sada Au dohot halahi jana sada Damang dohot Au; anso sada situtu halahi jana hara ni i botoon ni portibi on ma Damang do marsuru Au jana dihaholongi Damang do halahi songon panghaholongi ni Damang tu Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 6:19

Madung hira-hira opat tu lima kilometer daona halahi marparau tu tonga-tonga ni dano i; jadi ompot ma diida halahi ro Jesus mardalan di ginjang aek i mandapotkon parau ni halahi i. Mabiar situtu ma halahi.

JOHANNES 7:29

Anggo Au Hutanda do Ia, harana sian Ia do harorongKu jana Ia do na marsuru Au.”

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

JOHANNES 8:55

hape so ditanda hamu Ia. Tapi anggo Au Hutanda do Ia. Jadi muda Hudok na so Hutanda Ia, gabe pargabus ma Au songon hamu. Hutanda do Ia jana Huoloi do na nidokNia.

BAENON NI ANGKA RASUL 17:23

Harana di na mardalan-dalan au humaliang kotamunu on, huparrohahon do angka inganan parsombaanmunu. Huida muse do sada inganan pamelean, tarsurat do disi, ‘Tu Debata Na So Nitanda.’ Jadi, Debata na so nitandamunu i, i ma da ibana na hubaritahon i tu hamu.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 3:11

Umpe sahalak na mangastui jana umpe adong sahalak na manjalahi Debata.

SURAT NI SI PAULUS TU PARLAGUTAN ROM 3:26

Jadi dipatidahon Ia do hatigoranNia di hatiha on, anso tarida na tigor do Ia, jana patigorkon halak na porsaya tu Jesus.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

IBRANI 8:11

Sahalak pe nada pola porlu halahi mangajari donganna sabangso, sanga paboahon tu donganna, ‘Tanda ma Debata.’ Angke sudena halahi, sian na menekna lopus tu na gumodang, tandaonna ma Au.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 16:5

Hubege ma surusuruan na mangarajai aek mandok, “Na tigor do Ho, na adong saonnari, jana na adong hian, jana na badia do Ho, na dung mandabuhon uhuman on.