JOHANNES 17:21 - BIBEL JAMITA NA DENGGAN

²¹ Hupangido tu Damang anso gabe sada halahi sude, songon Damang na sada dohot Au jana Au sada muse dohot Damang. Sai sada ma nian halahi dohot Hita anso porsaya portibi on na nisuru ni Damang do Au.

JOHANNES 17:21 ပူးပေါင်းရင်းမြစ်များ

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

ZEPANYA 3:9

Tapi dung salpu i paubaonKu ma roha ni angka bangso-bangso i gabe martangiang tu Au sajo noma halahi, jana nada be tu angka debata na asing. Oloan ni angka bangso i noma Au.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

MARKUS 3:24

Muda so adong hasadaon di sada harajaan, sai marbadai rayat sama rayat disi, na giot maronco ma harajaan i.

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 10:30

Sada do Au dohot Damang.”

JOHANNES 10:38

Tapi muda Hukarejohon karejo ni Damang, haru pe nada porsaya hamu tu Au, saotik-otikna angkon haporsayaanmunu ma nian na Hubaen i, anso diboto jana diastui hamu na sada do Damang dohot Au, jana Au sada dohot Damang.”

JOHANNES 11:42

Huboto do na sai tongtong ditangihon Ho pangidoanKu, tapi Hudok pe songon i hara ni angka jolma na dison on do; anso porsaya halahi, na Ho do marsuru Au.”

JOHANNES 13:32

Muda dipasangap Debata markite-hite Ia, pasangapon ni Debata muse ma Ia markite-hite diri ni Debata sandiri. Manigor baenon ni Debata ma songon i.

JOHANNES 13:35

Muda marsihaholongan do hamu, gabe botoon ni halak ma sude, na tutu do anak siseanKu hamu.”

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

JOHANNES 17:20

Nada hum hara ni halahi sajo umbaen na martangiang Au. Laing Hutangiangkon muse do angka halak na giot porsaya tu Au hara ni hasaksian ni halahi on.

JOHANNES 17:25

Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

BAENON NI ANGKA RASUL 4:32

Sudena halahi na dung porsaya i, saroha jana satondi do ngolu ni halahi. Nada adong sian halahi na mangetong sinadonganna gabe nampunania sandiri. Sudena na adong di halahi, rap mamake do halahi.

SURAT NI SI PAULUS TU PARLAGUTAN ROM 12:5

Laing songon i do hita. Haru pe bahat hita, laing sada pamatang do hita di bagasan Kristus, tapi laing goar-goaran do na sada tu na asing.

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

1 KORINTUS 12:12

Songon pamatang ni jolma do Kristus i; sada do pamatang i, tapi marbagian-bagian do i. Haru pe bahat bagian-bagian i, laing sada pamatang do sude angka bagian-bagianna i.

1 KORINTUS 6:17

Tapi anggo halak na pasada dirina dohot Tuhan, gabe sada ma Tondi Ni Tuhan i dohot tondi ni halakna i.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

1 JOHANNES 5:7

Jadi adong do tolu saksina: