JOHANNES 17:13 - BIBEL JAMITA NA DENGGAN

¹³ Saonnari ro ma Au mandapotkon Damang. Jadi taran di portibi on Au, Hubaritahon angka na songon i; anso tarkilala situtu hajojop ni rohangKu di bagasan roha ni halahi.

JOHANNES 17:13 ပူးပေါင်းရင်းမြစ်များ

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

MASMUR 126:5

Ise na manyabur mardongan arsak, manyabi ma ia marjop ni roha.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

JOHANNES 13:3

Diboto Jesus do na dung dipasahat AmangNia sude kuaso tuSia. Jana diboto Ia muse do na ro sian Debata Ia, jana angkon mulak muse Ia tu Debata.

JOHANNES 15:11

Hupaboa pe i sudena tu hamu, anso maringanan do hajojop ni rohangKu di bagasan hamu, jana anso sanggam hajojop ni rohamunu.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

JOHANNES 7:33

Didok Jesus ma, “Hum santongkin nari noma Au rap dohot hamu. Dung i mulak ma Au mandapotkon na marsuru Au.

BAENON NI ANGKA RASUL 13:52

Sai marmoga-moga do angka siihutkon Jesus na di Antiokia boti digohi Tondi Parbadia do halahi.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

1 JOHANNES 1:4

Hami baen pe surat on, anso mur marjop ni roha do hita.

2 JOHANNES 1:12

Bahat sajo do nian na giot pajojoronku tu hamu, tapi huhilala dumenggan ma ulang pola markite-hite surat. Arop do rohangku tarbaen au manopot hamu jana mandok hata au sandiri tu hamu anso tutu situtu marjop ni roha hita.