JOHANNES 16:32 - BIBEL JAMITA NA DENGGAN

³² “Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

JOHANNES 16:32 ပူးပေါင်းရင်းမြစ်များ

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

MATEUS 26:31

Dipaboa Jesus ma tu angka anak siseanNia i, “Borngin on mandao be ma hamu sude, tinggalkononmunu ma Au. Harana tarsurat do di Buku Na Badia i, ‘BunuonKu ma parmahan i gabe marserak ma sude pahan-pahanan.’

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

MARKUS 14:27

Dung i didok Jesus ma tu halahi, “Ganggu ma haporsayaanmunu sude. Angke adong do tarsurat di Buku Na Badia i, ‘BunuonKu ma parmahan i, gabe marserak ma angka biri-birina.’

MARKUS 14:50

Kehe ma sude martabuni anak siseanNia i.

JOHANNES 12:23

Dung i didok Jesus ma tu halahi, “Madung dapot hatihana pasangapon Anak Ni Jolma i.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 16:25

“Markite-hite umpama do sudena i Hupatorang tu hamu. Tapi ro do hatihana, nada pola marumpama be Au muda mandok hata tu hamu. Torus tangkas noma dokkononKu tu hamu taringot tu Ama i.

JOHANNES 16:31

“Saonnari madung porsaya dehe hamu?” ninna Jesus tu halahi.

JOHANNES 19:27

Dung i didok Jesus ma tu siseanNia i, “Ligi ma, inangmu do indon!” Mamungka sian i dioban sisean i ma inang ni Jesus tinggal di bagasnia sandiri.

JOHANNES 20:10

Dung i mulak ma sisean ni Jesus i.

JOHANNES 4:21

Didok Jesus ma, “Porsaya ma ho di Au. Sada hatiha sombaon ni halak ma Damang, nada be di dolok on jana nada muse di Jerusalem.

JOHANNES 4:23

Tapi na giot ro do hatihana, jana madung ro saonnari, marsomba ma angka parsomba na tutu tu Ama i di bagasan Tondi dohot hasintongan; angke jop do roha ni Debata marnida halak na songon i.

JOHANNES 5:25

Tutu do na Hudok di hamu: Ro ma hatihana, jana tardok madung ro i, begeon ni halak na dung mate i ma sora ni Anak Ni Debata, jana sanga ise na umbegesa dapotan hangoluan.

JOHANNES 5:28

Ulang longang rohamunu umbege on; harana ro do hatihana, sude halak na di bagasan kuburan i begeonna ma soraNia,

JOHANNES 8:16

Tapi sugari pe adong halak na Huuhumi, tigor do haputusanKu, harana nada hum Au sandiri, rap do Au dohot Damang i na marsuru Au.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

BAENON NI ANGKA RASUL 21:6

Dung i marsijalangan ma hami, lalu masuk tu kapal, jana halahi pe mulak be ma tu bagasna.

BAENON NI ANGKA RASUL 8:1

Mamungka sian ari i masa ma pangayakayakon na godang di parlagutan na di Jerusalem, jadi marserak ma sude angka na porsaya i, hum angka rasul i noma na tinggal rap. Sarsar ma halahi tu sude Luat Judea dohot tu Samaria bage.