JOHANNES 16:30 - BIBEL JAMITA NA DENGGAN

³⁰ Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

JOHANNES 16:30 ပူးပေါင်းရင်းမြစ်များ

1 RAJA-RAJA 17:24

Dialusi na mabalu i ma, “Saonnari tangkas ma huboto, naposo ni Debata do ho amang jana tutu do mangkobari Tuhan markite-hite ho amang.”

JOHANNES 16:17

Dung i marsisapa-sapaan ma deba angka sisean ni Jesus i, ninna halahi ma, “Aha dehe astuan ni i sudena? Didok Ia, ‘Santongkin nari noma nada idaonmunu be Au, jana santongkin nari idaonmunu ma Au.’ Didok muse dope, ‘Harana kehe ma Au mandapotkon Damang.’

JOHANNES 16:23

Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

JOHANNES 16:26

Anggo disi, pangidoonmunu ma tu Ama i markite-hite goarKu; jana nada Hudok na giot pangidoonKu tu Ama i di hamu,

JOHANNES 16:31

“Saonnari madung porsaya dehe hamu?” ninna Jesus tu halahi.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

JOHANNES 5:20

Angke na holong do roha ni Ama i mida Anak i. Dipatidahon Ia muse do sasude na nibaenNia sandiri tu AnakNia i, dohot angka pambaenan na gumodang, patidahononNia dope tu AnakNia i anso longang hamu.

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.