JOHANNES 16:23 - BIBEL JAMITA NA DENGGAN

²³ Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

JOHANNES 16:23 ပူးပေါင်းရင်းမြစ်များ

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

MATEUS 21:22

Sanga aha pe pangidoanmunu di bagasan tangiangmunu, jagitonmunu do i, asal ma porsaya hamu.”

MATEUS 7:7

“Pangido hamu ma, gabe manjagit ma hamu. Jalahi hamu ma, gabe dapotan ma hamu. Tuktuhi hamu ma pintu, gabe dibuka ma pintu i di hamu.

JOHANNES 14:20

Di hatiha i tangkas ma botoonmunu, na di bagasan Damang do Au, hamu pe di bagasan Au jana Au di bagasan hamu.

JOHANNES 14:22

Disapai si Judas (tapi nada si Judas Iskariot) ma Jesus, “O Tuhan! Biasi ma hum tu hami dipatangkas Ho diriMu Tuhan, hape tu portibi on nada?”

JOHANNES 14:5

Dung i didok si Tomas ma tu Jesus, “Nada hami boto Tuhan sanga na giot tu dia Ho kehe, sian dia ma hami boto dalan tusi?”

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

JOHANNES 16:19

Mangarti do Jesus na giot manyapai halahi tuSia. Jadi ning Ia ma tu halahi, “Hara ni na Hudok i, ‘Hum santongkin nari noma nada idaonmunu be Au, tapi santongkin nari muse idaonmunu ma Au.’ I dehe na giot sapaanmunu?

JOHANNES 16:26

Anggo disi, pangidoonmunu ma tu Ama i markite-hite goarKu; jana nada Hudok na giot pangidoonKu tu Ama i di hamu,

JOHANNES 16:30

Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.