JOHANNES 16:2 - BIBEL JAMITA NA DENGGAN

² Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 16:2 ပူးပေါင်းရင်းမြစ်များ

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

DANIEL 11:33

Angka halak na bisuk mamimpin rayat, baenonna ma bahat halak mangarti. Tapi sanga na piga ngombas, hona bunu do piga-piga halak sian halahi hara ni porang, sanga hara ni api, jana deba nari hona samun dohot hona tangkup.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 24:9

Dung i ditangkupi ma hamu, dipasahat ma tu parkancitan anso dibunu. Goyak ma roha ni halak na satano on mida hamu hara ni goarKu.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

JOHANNES 12:42

Tapi haru pe songon i, laing bahat do angka pamimpin ni halak Jahudi i na porsaya tu Jesus. Tapi nada puluk halahi mangoku torang di jolo ni halak; harana mabiar halahi diharuarkon sian bagas paribadatan.

JOHANNES 16:25

“Markite-hite umpama do sudena i Hupatorang tu hamu. Tapi ro do hatihana, nada pola marumpama be Au muda mandok hata tu hamu. Torus tangkas noma dokkononKu tu hamu taringot tu Ama i.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

JOHANNES 4:21

Didok Jesus ma, “Porsaya ma ho di Au. Sada hatiha sombaon ni halak ma Damang, nada be di dolok on jana nada muse di Jerusalem.

JOHANNES 4:23

Tapi na giot ro do hatihana, jana madung ro saonnari, marsomba ma angka parsomba na tutu tu Ama i di bagasan Tondi dohot hasintongan; angke jop do roha ni Debata marnida halak na songon i.

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JOHANNES 9:34

Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.

BAENON NI ANGKA RASUL 5:33

Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.

BAENON NI ANGKA RASUL 7:56

“Ligi pe da, mungkap do huida langit i jana jongjong Anak Ni Jolma i di siamun ni Debata!”

1 KORINTUS 4:13

muda dipalayas-layas halak hami lambok do hatanami mangalusi i. Nada tuk hami songon rompak-rompak ni portibi on; lopus tu hatiha on, laing dietong do hami songon na hodar ni portibi on.

PILIPPI 3:6

Songon i ma situtu ni rohangku jabat do huparkanciti parlagutan i. Muda nitimbang sian angka Tona ni ugamo Jahudi, au ma sada halak na burju na so adong hurangna.

HALUMBAAN 6:9

Dung i dibuka Anak Ni Biri-biri i ma cap na palimahon. Dung i huida ma di toru ni meja parhaulan i, adong angka tondi ni angka halak na mate hona bunu hara ni haporsayaan ni halahi tu jamita na sian Debata dohot hara ni haburjuon ni halahi pararatkon jamita i.

HAKIM-HAKIM 6:30

Dung i didok halahi ma tu si Joas, “Madung dirorak anakmu langgatan ni Baal jana dirumpakkon ia tiang na manggombarkon Dewi Asera na di lambungna i. Hara ni i, oban ma anakmi tu ruar on. Angkon mate i!”