JOHANNES 16:19 - BIBEL JAMITA NA DENGGAN

¹⁹ Mangarti do Jesus na giot manyapai halahi tuSia. Jadi ning Ia ma tu halahi, “Hara ni na Hudok i, ‘Hum santongkin nari noma nada idaonmunu be Au, tapi santongkin nari muse idaonmunu ma Au.’ I dehe na giot sapaanmunu?

JOHANNES 16:19 ပူးပေါင်းရင်းမြစ်များ

MATEUS 6:8

Ulang songon i hamu. Diboto Amangmunu do na porlu di hamu, dompak so mangido dope hamu.

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

MARKUS 9:32

Nada diastui angka sisean ni Jesus i na niajarkonNia i, tapi mabiar halahi marsapa tuSia.

JOHANNES 13:33

Hamu angka dakdanakKu, nada sadia honok nari be Au rap dohot hamu. Jalahanmunu ma Au, tapi songon na dung Hudokkon i tu halak Jahudi, laing songon i ma dohononKu tu hamu: Nada tarbaen hamu ro tu inganan hakeheanKi.

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 16:16

“Hum santongkin nari noma, nada idaonmunu be Au, tapi santongkin nari muse, idaonmunu ma Au.”

JOHANNES 16:18

Aha do maksudNia mandok ‘Santongkin nari’? Nada binoto sanga taringot tu aha na nidokNia!”

JOHANNES 16:23

Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

JOHANNES 16:26

Anggo disi, pangidoonmunu ma tu Ama i markite-hite goarKu; jana nada Hudok na giot pangidoonKu tu Ama i di hamu,

JOHANNES 16:30

Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

JOHANNES 6:61

Haru pe so jolo adong halak na paboahonsa, madung diboto Jesus do na marungut-ungut angka siseanNia i taringot tusi. Dung i gabe ning Ia ma tu halahi, “Adong he na so sonang rohamunu di pangajaran i?

JOHANNES 7:33

Didok Jesus ma, “Hum santongkin nari noma Au rap dohot hamu. Dung i mulak ma Au mandapotkon na marsuru Au.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.