JOHANNES 16:10 - BIBEL JAMITA NA DENGGAN

¹⁰ hara ni hatigoran jana hara ni na kehe Au mandapotkon Damang, jana nada idaonmunu be Au;

JOHANNES 16:10 ပူးပေါင်းရင်းမြစ်များ

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

JOHANNES 16:28

Tutu do i na ro sian Ama i do Au, jana madung Hudapotkon portibi on. Tapi saonnari, tadingkononKu ma mangulahi portibi on, mulak ma Au tu Damang.”

JOHANNES 16:5

Tapi anggo saonnari, kehe noma Au mandapotkon na marsuru Au; hape haru songon i, umpe sahalak sian hamu na manyapai, ‘Giot tu dia de Ho kehe?’

JOHANNES 3:14

“Songon ulok tumbaga na nipatuginjang ni si Musa di sada hayu di halongonan i, laing songon i muse ma Anak Ni Jolma i angkon dipatuginjang,

JOHANNES 5:32

Tapi adong do sada halak na asing mangalehen hasaksian taringot tu Au jana Huboto do bahaso na tutu hasaksianNia i.

JOHANNES 7:33

Didok Jesus ma, “Hum santongkin nari noma Au rap dohot hamu. Dung i mulak ma Au mandapotkon na marsuru Au.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

BAENON NI ANGKA RASUL 2:32

Jesus on ma da na nipangolu ni Debata mangulahi sian hamatean. Sude do hami manyaksihon i.

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 5:5

Hara ni Tondi dohot haporsayaanta, arop do rohanta di hatigoran i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.