JOHANNES 15:8 - BIBEL JAMITA NA DENGGAN

⁸ Muda ramos hamu marbatu, gabe hasangapan ni Ama i do i; songon i ma dalanna baenonmunu patuduhon na tutu situtu hamu siihutkon Au.

JOHANNES 15:8 ပူးပေါင်းရင်းမြစ်များ

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

HAGAI 1:8

Saonnari manangkok ma hamu tu angka dolok laho martoktok, lalu pauli hamu ma BagasKu; jadi gabe sonang ma Huhilala jana pataridahononKu ma hamuliaonKu disi, ninna Tuhan.

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

JOHANNES 13:35

Muda marsihaholongan do hamu, gabe botoon ni halak ma sude, na tutu do anak siseanKu hamu.”

JOHANNES 15:5

Au do bona ni anggur i, jana hamu ma angka rantingna. Sanga ise na tinggal di bagasan Au jana Au di bagasan ia, ramos ma ia marbatu; angke anggo so rap dohot Au, nada adong bagi aha tarbaen hamu.

JOHANNES 8:31

Dung i didokkon Jesus ma tu halak Jahudi na dung porsaya tuSia, “Anggo burju hamu mandalankon angka ajaranKi, i pe anso tutu hamu gabe siihutkon Au.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

TITUS 2:10

sanga manangko. Angkon patuduhonon ni halahi do na tongtong halahi denggan jana burju; anso dipuji halak pangajaran taringot tu Debatanta Sipalua i hara ni pambaenan ni halahi.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.