JOHANNES 15:27 - BIBEL JAMITA NA DENGGAN

²⁷ Tapi hamu pe angkon saksihononmunu do taringot tu Au, harana madung rap hamu dohot Au sian mulana.”

JOHANNES 15:27 ပူးပေါင်းရင်းမြစ်များ

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

LUKAS 24:48

Jadi hamu ma na gabe saksi ni sudena i.

JOHANNES 19:35

Na marnida i sandiri do mamaritahon na masa on, anso laing porsaya hamu. Jana tutu do songon on na nidoknia i; tangkas do diboto ia songon i.

JOHANNES 21:24

Jadi sisean on ma na mangalehen hasaksian taringot tu angka na masa on. Laing ia muse do na manyuratkon on. Jana taboto do bahaso na tutu na nidoknia i.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 13:31

Jadi dipataridahon Ia do diriNia sanga na piga-piga ari tu angka donganNia na ro sian Galilea tu Jerusalem. Halahi ma na gabe saksiNia tu halak Israel.

BAENON NI ANGKA RASUL 18:5

Dung lalu si Silas dohot si Timoteus tu Makedonia, tu halak Jahudi ma sude diabiskon ia ari-arinia laho mamaritahon jamita na sian Debata tu halahi, paboahon bahaso Jesus do Kristus i.

BAENON NI ANGKA RASUL 23:11

Borngin na mangihut i ro ma Tuhan jongjong di lambung ni si Paulus mandok, “Papos ma rohamu! Madung dilehen ho hasaksian taringot tu Au di Jerusalem. Angkon laing saksihononmu ma songon i di Rom muse.”

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

BAENON NI ANGKA RASUL 4:20

Harana nada tarhasipkon hami taringot tu angka na dung hami ida dohot na hami bege sandiri.”

BAENON NI ANGKA RASUL 4:33

Mardongan kuaso na godang, disaksihon angka rasul i ma na dung mangolu Jesus mangulahi. Jadi bahat sajo do pasupasu ni Debata di halahi.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

1 PETRUS 5:12

Na niurupan ni si Silas do au mambaen surat na pendek on tu hamu; huetong do ia sada dongan Kristen na burju. Hubaen pe surat on tu hamu na giot manyosoi hamu do dohot paposkon rohamunu, taringot tu asi ni roha ni Debata na sintong. Togu ma hamu marsitiopan tu asi ni roha i.

1 JOHANNES 4:14

Madung hami ida sandiri Anak Ni Debata, jana saonnari hami saksihon, na dung disuru Ama i do Ia ro tu portibi on anso gabe Sipalua di portibi on.

HALUMBAAN 1:2

Dipaboa si Johannes ma sudena na niidania i, i ma taringot tu jamita na sian Debata na nipasahat ni Jesus Kristus.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.