JOHANNES 15:25 - BIBEL JAMITA NA DENGGAN

²⁵ Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

JOHANNES 15:25 ပူးပေါင်းရင်းမြစ်များ

MASMUR 109:3

Dipardokkoni halahi do angka na patubu hosom jana diporangi halahi au haru so adong dalanna.

MASMUR 35:19

Ulang padiar au dipargonjakkon halak na manghosomi au di na so adong dalanna. Ulang padiar au disurak-surahi halak na manghasogohon au so adong dalanna.

MASMUR 69:4

Halak na magigi mida au di na so dalanna, umbahat sian obuk na di uluniba. Sai giot agohonon ni angka halak na gogo au, dipahata-hata halahi ma au dohot hata na so tutu. Dipaksa halahi au paulakkon arta na so hurampas.

MATEUS 10:8

Pamalum hamu ma angka na marnyae. Pangolu hamu ma angka na mate. Paias hamu ma angka na puruon. Paorot hamu ma angka na hona setan. Sude kuaso i inda na nigararan umbaen na nijagitmunu i. Jadi laing songon i ma, lehen hamu ma i, ulang pola pangido hamu gararna.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 10:34

Dung i didok Jesus ma mangalusi, “Inda he tarsurat di Buku Tona i: Madung Hudok, ‘Angka debata do hamu’?

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 19:36

Umbaen na songon i pe i, anso laing tulus do tarjadi na tarsurat di Buku Na Badia i, i ma, “Umpe sada sian holi-holiNa i na niponggol.”

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 3:24

Jana nipatigor do halahi songon silehen-lehen hara ni asi ni rohaNia markite-hite haluaan na di bagasan Kristus Jesus.

2 KORINTUS 11:7

Na mardosa ma he au di na hupatutoru diringku laho patuginjangkon hamu, hara ni na hujamitahon Jamita Na Denggan na sian Debata di hamu songon sada silehen-lehen?

GALATIA 2:21

Nada huambungkon silehen-lehen ni Debata. Muda gabe denggan do mangulahi parsambungan ni Debata dohot jolma hara ni na nidalankon ni halahi Tona i, antong nada adong be gunana mate Kristus.

2 TESSALONIKA 3:8

Nada hami pangan sipanganon ni halak anggo inda hami garari. Tapi arian na borngin do hami markarejo anso ulang adong na susa sanga ise pe sian hamu hami baen.

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!