JOHANNES 15:22 - BIBEL JAMITA NA DENGGAN

²² Sugari sura na so jungada Au ro jana nada unjung Huhatahon sudena i tu halahi, nada tarsalahon halahi. Tapi anggo saonnari nada adong be sidalian ni halahi taringot tu dosa ni halahi.

JOHANNES 15:22 ပူးပေါင်းရင်းမြစ်များ

JEHESKIEL 2:5

sanga na ra do halahi manangihon sanga nada; na porlu, angkon botoon ni halahi do, bahaso na adong do panurirang di tonga-tonga ni halahi.”

LUKAS 12:46

Di na sadari, hatiha na so ditagam roha ni naposo i, ompot ma mulak tuannia i. Gabe sijaljalan ni tuanna noma naposo i jana sarupa do bagiannia dibaen dohot angka halak na so porsaya.

JOHANNES 12:48

Saulahon, adong do na manguhumi sanga ise na so ra manjagit Au jana na so ra patuluskon angka na Hudok. Jamita na Hupalalu i do na gabe panguhum maradopkon halahi di Ari Parpudi.

JOHANNES 15:23

Sanga ise na mangkosomi Au, dihosomi ia muse do Damang.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 16:9

PabotohononNia ma bahaso dosa do muda laing so porsaya halahi tu Au,

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

JOHANNES 9:41

Dialusi Jesus ma, “Anggo sugari mapitung hamu, so na mardosa hamu. Tapi hara ni na nidokmunu i, ‘Marnida do hami,’ i ma patandahon laing na mardosa hamu.”

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

SURAT NI SI PAULUS TU PARLAGUTAN ROM 1:20

Mamungka sian na manjadihon tano on Debata, anggo angka pangalaho ni Debata na so tarida i, i ma bako Hadebataan dohot hagogoanNia na manongtong i, anggo i tangkas do tarastui jolma markite-hite sude na nitompa i. Jadi nada tarbaen jolma i be marsidalian hara ni na so marbinoto.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

1 PETRUS 2:16

Mardalan ma hamu di ngolu on songon halak na mardeka tapi ulang antong pake hamu ngolumunu na mardeka i laho manutup-nutupi hajahatan, tapi songon angka naposo ni Tuhan ma hamu na mangolu i.