JOHANNES 15:21 - BIBEL JAMITA NA DENGGAN

²¹ Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

JOHANNES 15:21 ပူးပေါင်းရင်းမြစ်များ

MASMUR 69:7

Angke hara ni Ho do umbaen na ni palayas au, hara ni Ho do hona incak au.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

MATEUS 10:18

Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

MATEUS 10:39

Sanga ise na giot pajolohon haporluan ni ngoluna sandiri, angkon magoan ngolu. Tapi halak na magoan ngolu hara ni Au, halak sisongon i do na dapotan ngolu.”

MATEUS 24:9

Dung i ditangkupi ma hamu, dipasahat ma tu parkancitan anso dibunu. Goyak ma roha ni halak na satano on mida hamu hara ni goarKu.

MATEUS 5:11

Martua ma hamu muda diincahi jana diayak-ayak halak hamu, jana dipardok halahi ragam-ragam na jat na so tutu adop hamu hara ni Au.

MARKUS 13:13

Sude ma halak margoyak ni roha mida hamu hara ni Au. Tapi sanga ise na tahan lopus tu ujungna, i do na dapotan haluaon.”

LUKAS 21:12

Tapi taran so tarjadi dope i sudena, tangkupon ma hamu jana parkancitan. Adilan ma hamu di angka bagas paribadatan jana dipamasuk ma hamu tu hurungan. Jana saraton ma hamu tu jolo ni angka raja dohot angka parkuaso hara ni goarKu.

LUKAS 21:17

Sude ma halak margoyak ni roha tu hamu hara ni goarKu.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

JOHANNES 17:25

Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

JOHANNES 8:54

Dialusi Jesus ma, “Sugari Au mamuji diringKu sandiri, na so adong do arti ni pujianKi. Damang do na mamuji Au; jana didok hamu, Damang i do Debatamunu,

JOHANNES 8:55

hape so ditanda hamu Ia. Tapi anggo Au Hutanda do Ia. Jadi muda Hudok na so Hutanda Ia, gabe pargabus ma Au songon hamu. Hutanda do Ia jana Huoloi do na nidokNia.

BAENON NI ANGKA RASUL 17:23

Harana di na mardalan-dalan au humaliang kotamunu on, huparrohahon do angka inganan parsombaanmunu. Huida muse do sada inganan pamelean, tarsurat do disi, ‘Tu Debata Na So Nitanda.’ Jadi, Debata na so nitandamunu i, i ma da ibana na hubaritahon i tu hamu.

BAENON NI ANGKA RASUL 26:9

Anggo nabaruon au sandiri pe marpandapot, angkon niputusan do gogoniba laho mangalo Jesus halak Nasaret i.

BAENON NI ANGKA RASUL 3:17

Hamu ale angka dongan! Saonnari madung huboto hara ni na so diboto hamunu do umbaen na dibaen hamu songon i, laing songon i ma nang angka pamimpinmunu.

BAENON NI ANGKA RASUL 4:17

Tapi anso ulang mur rarat be barita i tu halak na bahat, taondam jana taancam ma halahi na so tola be mangkatai halahi sanga na tu ise pe anggo mamake Goar i.”

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

BAENON NI ANGKA RASUL 9:14

Jana saonnari ro do ia maroban surat isin sian angka sintua ni malim laho manangkupi sanga ise na porsaya tu Ho.”

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

1 KORINTUS 2:8

Sahalak pe nada adong umboto sangkap na nibaen ni Debata i. Angke sugari na dung diboto halahi i, nada jabat parsilangkonon ni halahi Tuhan na sumangap i.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

3 JOHANNES 1:7

Dibaen hara ni goarNia do kehe halahi, jana nada dijagit halahi bagi aha pe sian angka halak na so mananda Debata.

HALUMBAAN 2:3

Huboto do na sobar hamu dohot na manaon parkancitan hara ni goarKu, hape laing nada pola mandele hamu.