JOHANNES 15:14 - BIBEL JAMITA NA DENGGAN

¹⁴ Angka ale-alengKu ma hamu muda dikarejohon hamu sanga aha na Huparentahon tu hamu.

JOHANNES 15:14 ပူးပေါင်းရင်းမြစ်များ

2 RAJA-RAJA 18:6

jana burju do ia tu Tuhan i. Nada unjung dialo ia Tuhan, sandok parenta ni Tuhan na nilehenNa marhite si Musa, disitutui si Hiskia do mangoloi sudena i.

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

HARURUAR 7:6

Sude na nitonahon ni Tuhan i dikarejohon si Musa ma dohot si Harun.

PODA 18:24

Adong do dongan na so setia, adong muse do na rumosu sian kahangginiba.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.

JEHESKIEL 12:7

Dung i hupatulus ma na niparentahon ni Tuhan i tu au. Laing di na sadari i, arian dope, huhobasi ma angka barang-barangku tu sada gendongan, songon na somal dibaen halak pangungsi. Dung mamungka samon ari, hubaen ma lubang dohot tanganku di tembok ni bagaski, lalu haruar ma au sian lubang i. Laing diparrohahon jolma i sude, huporsan ma gendongan i di abarangku, lalu kehe ma au.

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

LUKAS 12:4

“Ingot hamu ma ale angka dongan! Ulang pola mabiar hamu mida halahi sibunu pamatang jana na so bisa mambaen sanga aha pe dung i.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

JOHANNES 14:28

Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.

JOHANNES 2:5

Dung i didok inangNia i ma tu angka parkobas na disi, “Muda disuru Ia hamu mambaen sanga na aha, baen hamu ma songon i.”

JAKOBUS 2:23

Hombar do i tu ayat na mandok, “Porsaya do si Abraham tu Debata, jana dietong ma i disia gabe hatigoran.” Hara ni i ma umbaen na nigoaran si Abraham, “Ale-ale ni Debata.”

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

RUT 3:6

Jadi kehe ma si Rut tu inganan ni na markarejo mambanting burir-burirna i. Dipatulus ia ma disi sude na nidok ni namborunia i tusia.