JOHANNES 15:11 - BIBEL JAMITA NA DENGGAN

¹¹ Hupaboa pe i sudena tu hamu, anso maringanan do hajojop ni rohangKu di bagasan hamu, jana anso sanggam hajojop ni rohamunu.

JOHANNES 15:11 ပူးပေါင်းရင်းမြစ်များ

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 62:4

Goarmu nada be, ‘Na Nitadingkon’, tanomu nada be, ‘Na Lungun-lungunan’. Goaron ma ho, ‘Hasian Ni Debata’, jana tanomi goaran, ‘Na Dung Marbagas’. Dibaen sonang do roha ni Tuhan mida ho, songon halaklahimu do Ia tu ho.

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

LUKAS 15:23

Dung i buat ma anak ni lombu na nipamokmok, sambol ma i anso mangan hita jana marjop ni roha.

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

LUKAS 15:5

Jadi muda dung dapot ia biri-biri i tontu marjop ni roha ma ia jana diporsan ia ma i diabarania,

LUKAS 15:9

Jadi dung dapot ia hepeng i, pioonnia ma angka dongannia dohot angka hombar bagasnia jana dokkononnia ma tu halahi, ‘Jop sajo do rohangku dung dapot au mangulahi hepengku na mago i. Beta ma tapestahon!’

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 17:13

Saonnari ro ma Au mandapotkon Damang. Jadi taran di portibi on Au, Hubaritahon angka na songon i; anso tarkilala situtu hajojop ni rohangKu di bagasan roha ni halahi.

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

2 KORINTUS 1:24

Nada pola hupaksahon sanga na aha tu hamu taringot tu sihaporsayaanmunu, harana na dung porsaya situtu do hamu. Hum na rap markarejo do au dohot hamu anso mur marjop ni roha hamu.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

PILIPPI 1:25

Pos do rohangku di na songon i. Hara ni i do umbaen na huboto, na laing dison dope au. Angkon laing rap do au dohot hamu sudena, anso tartolongi au hamu mur margogo jana mur masonang di bagasan haporsayaanmunu tu Tuhan i.

1 TESSALONIKA 5:16

Sai marjop ni roha ma hamu tongtong,

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

1 JOHANNES 1:4

Hami baen pe surat on, anso mur marjop ni roha do hita.

2 JOHANNES 1:12

Bahat sajo do nian na giot pajojoronku tu hamu, tapi huhilala dumenggan ma ulang pola markite-hite surat. Arop do rohangku tarbaen au manopot hamu jana mandok hata au sandiri tu hamu anso tutu situtu marjop ni roha hita.