JOHANNES 15:10 - BIBEL JAMITA NA DENGGAN

¹⁰ Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 15:10 ပူးပေါင်းရင်းမြစ်များ

2 SAMUEL 22:22

Huoloi do parenta ni Tuhanku, jana na so unjung marbalik au sian Debatangku.

2 RAJA-RAJA 18:6

jana burju do ia tu Tuhan i. Nada unjung dialo ia Tuhan, sandok parenta ni Tuhan na nilehenNa marhite si Musa, disitutui si Hiskia do mangoloi sudena i.

HARURUAR 7:6

Sude na nitonahon ni Tuhan i dikarejohon si Musa ma dohot si Harun.

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

JOHANNES 10:18

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

JOHANNES 12:49

Jana songon i do tutu! Harana Au pe nada jungada Au mandok hata sian roha-rohangKu sandiri; Damang na marsuru Au, Ia do na mamarentahon tu Au sanga aha na angkon dokkononKu jana sanga aha sipabotohononKu.

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 14:31

Tapi anso diboto portibi on na holong do rohangKu mida Ama i, i do umbaen na Hukarejohon sandok na nisuruhon ni Ama i karejohononKu. I pe, beta ma hita kehe sian on.”

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

JOHANNES 8:55

hape so ditanda hamu Ia. Tapi anggo Au Hutanda do Ia. Jadi muda Hudok na so Hutanda Ia, gabe pargabus ma Au songon hamu. Hutanda do Ia jana Huoloi do na nidokNia.

1 KORINTUS 7:19

Rap na so marguna do na mangoloi aturan ni sunat dohot na so mangoloi. Mangoloi parenta ni Debata do na porlu.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

2 PETRUS 2:21

Na gumonan hian do indangkon jungada ditanda angka jolma na songon i dalan na tigor na sian Debata i, ulang pado ditanda halahi hape dung salpu i nada ra halahi mangoloi angka parenta na nilehen ni Debata tu halahi.

1 JOHANNES 2:3

Muda dohot hita burju mangoloi angka parenta ni Debata, i ma paboahon na tutu tatanda Debata.

1 JOHANNES 2:5

Tapi sanga ise na burju mangoloi hata ni Debata, sanggam ma haholongannia Debata. I ma tandana paboa na dung marsada ngolunta dohot Debata.

1 JOHANNES 2:6

Sanga ise na mandok na marsada ngoluna dohot Debata, angkon laing songon Jesus Kristus ma muse ngoluNia.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.