JOHANNES 14:9 - BIBEL JAMITA NA DENGGAN

⁹ Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?

JOHANNES 14:9 ပူးပေါင်းရင်းမြစ်များ

PAMUNGKAAN 26:9

Jadi dipiohon si Abimelek ma si Ishak, didok ia ma, “Dongan saripemu do hape anak boru i! Biasi didokkon ho ia, ibotomu?” Dialusi si Ishak ma, “Ning rohangku, hona bunu do au muda hupaboa ia dongan sabagasku.”

MASMUR 11:1

Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

MARKUS 9:19

Dung i didok Jesus ma tu halahi, “O hamu angka pomparan na so porsaya, angkon sadia honok nari Au rap dohot hamu? Intap ni andigan angkon sobar Au paida-ida hamu? Oban ma dakdanak i tuson!”

LUKAS 12:56

Hamu angka pangalancap! Diboto hamu do mangaligi tanda-tanda di langit an dohot di tano on. Biasi nada tarbaen hamu marnida angka tanda ni hatiha on?”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 10:30

Sada do Au dohot Damang.”

JOHANNES 12:45

Jana sanga ise na marnida Au, diida Ia muse do na marsuru Au.

JOHANNES 14:20

Di hatiha i tangkas ma botoonmunu, na di bagasan Damang do Au, hamu pe di bagasan Au jana Au di bagasan hamu.

JOHANNES 14:7

Sugari ditanda hamu Au, tontu laing tandaonmunu muse ma Damang. Mamungka saonnari madung ditanda hamu Ia, jana madung diida hamu.”

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

1 KORINTUS 15:12

Tapi muda i do na hami jamitahon, i ma Kristus na dung nipangolu i mangulahi sian hamatean, biasi laing adong dope deba sian hamu na mandok, anggo jolma na mate, nada pangoluon be mangulahi?

PILIPPI 2:6

Anggo satutuna sarupa do Ia dohot Debata, tapi dihilala Ia nada pola angkon sai partahankononNia haDebataanNia i.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.