JOHANNES 14:23 - BIBEL JAMITA NA DENGGAN

²³ Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 14:23 ပူးပေါင်းရင်းမြစ်များ

PAMUNGKAAN 1:26

Dung i mangkuling ma Debata, “Saonnari tompaonta ma jolma; songon Hita ma halahi jana suman tu Hita. Rajaan ni halahi ma angka ihan, unggas dohot sude binatang sanga pe na jinak bope na riar, na menek pe dohot na godang.”

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

MASMUR 90:1

Ale Tuhan, Ho do inganan parlindungannami sian najolo, marsundut-sundut,

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JOHANNES 10:30

Sada do Au dohot Damang.”

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:17

i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

JOHANNES 14:24

Sanga ise na so mangkaholongi Au nada ihutkonon ni i angka pangajaranKu. Angka pangajaran na nibegemunu i, nada pangajaranKu i. Tapi pangajaran ni na marsuru Au do i, i ma Damang.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JOHANNES 6:56

Halak na mangankon pamatangKu jana na manginum mudarKu, ngolu ni halahi ma na sada tu Au jana ngolungKu pe sada tu halahi.

JOHANNES 8:51

Tutu do na Hudok tu hamu; sanga ise na mangoloi na Hudok, nada mate be Ia salolot-lolotna.”

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

1 JOHANNES 2:24

Antong, jamita na dung nibegemunu sian mulana, denggan ma i jagohon hamu di bagasan rohamunu. Muda denggan diparrohahon hamu jamita i, tongtong do marsada hamu di bagasan Anak i, bope di bagasan Ama i.

1 JOHANNES 2:5

Tapi sanga ise na burju mangoloi hata ni Debata, sanggam ma haholongannia Debata. I ma tandana paboa na dung marsada ngolunta dohot Debata.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

2 JOHANNES 1:6

Marholong ni roha, astuanna mangoloi tona ni Debata. Jana tona na dung dibege hamu sian mulana i, i ma anso marsihaholongan hamu sama hamu.

HALUMBAAN 21:22

Nada huida Bagas Na Badia di bagasan kota i, angke Tuhan Debata Parkuaso Na Sumurung i sandiri do Bagas Na Badia, songon i muse Anak Ni Biri-biri i.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,