JOHANNES 14:21 - BIBEL JAMITA NA DENGGAN

²¹ Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

JOHANNES 14:21 ပူးပေါင်းရင်းမြစ်များ

2 RAJA-RAJA 18:6

jana burju do ia tu Tuhan i. Nada unjung dialo ia Tuhan, sandok parenta ni Tuhan na nilehenNa marhite si Musa, disitutui si Hiskia do mangoloi sudena i.

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

HARURUAR 33:18

Tapi dialusi si Musa ma, “Antong patuduhon ma jolo tu au sinondang ni parmiananMi.”

PODA 8:17

Huhaholongi do na marholong ni roha di au; na manjalahi au, gabe dapot ia do au.

JEREMIA 31:31

Didok Tuhan ma, “Dapot do i hatihana baenonKu parjanjian na imbaru tu halak Israel dohot Juda.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:18

Nada pola padiaronKu hamu mardangol-dangol. Mulak do Au mandapotkon hamu.

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

JOHANNES 16:14

PasangaponNia ma Au, angke sanga aha na nipalaluNia tu hamu, sian Au do i dijagit Ia tu hamu.

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JOHANNES 17:23

sada Au dohot halahi jana sada Damang dohot Au; anso sada situtu halahi jana hara ni i botoon ni portibi on ma Damang do marsuru Au jana dihaholongi Damang do halahi songon panghaholongi ni Damang tu Au.

BAENON NI ANGKA RASUL 22:18

Huida ma Tuhan mandok hata tu au, ‘Pasigop ma morot sian Jerusalem on, harana nada jagiton ni halak na dison on hasaksianmu taringot tu Au,’ ninna Tuhan i.

2 KORINTUS 12:8

Tolu noli ma hutangiangkon tu Tuhan taringot tusi. Hupangido, sugari dibuat ma nyae i sian pamatangku.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

1 JOHANNES 2:5

Tapi sanga ise na burju mangoloi hata ni Debata, sanggam ma haholongannia Debata. I ma tandana paboa na dung marsada ngolunta dohot Debata.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

2 JOHANNES 1:6

Marholong ni roha, astuanna mangoloi tona ni Debata. Jana tona na dung dibege hamu sian mulana i, i ma anso marsihaholongan hamu sama hamu.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.