JOHANNES 14:2 - BIBEL JAMITA NA DENGGAN

² Bahat do inganan di bagas ni Damang. Na giot pasingkop ingananmunu do Au kehe tusi. Pola ma Hudok songon i tu hamu, anggo na so tutu do songon i?

JOHANNES 14:2 ပူးပေါင်းရင်းမြစ်များ

LUKAS 14:22

Didok naposo i ma, ‘Madung nipalalu parenta ni tuan i, tapi laing bahat dope inganan na so marisi.’

JOHANNES 13:33

Hamu angka dakdanakKu, nada sadia honok nari be Au rap dohot hamu. Jalahanmunu ma Au, tapi songon na dung Hudokkon i tu halak Jahudi, laing songon i ma dohononKu tu hamu: Nada tarbaen hamu ro tu inganan hakeheanKi.

JOHANNES 13:36

“O Tuhan, na giot tu dia do Ho Tuhan?” ning si Simon Petrus manyapai Jesus. Didok Jesus ma, “Na giot kehe do Au tu sada inganan, tapi nada tarihutkon ho Au tusi saonnari. Tu pudi on pe ihutkononmu Au.”

JOHANNES 14:28

Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.

JOHANNES 16:4

Tapi madung Hupaboa hian i saonnari tu hamu anso diingot hamu i saulahon muda dung dibaen halahi tu hamu na songon i, madung Hupaboa hian do i tu hamu.” “Anggo sian mulana nada pola Hupaboa hian i tu hamu, angke rap dope Au dohot hamu.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

1 TESSALONIKA 5:9

Dipili Debata pe hita nada anso hona rimas ni rohaNia, tapi anso dapot hita do haluaan markite-hite Tuhanta Jesus Kristus.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 11:10

Angke tarpainte-inte do si Abraham anso tinggal ia di kota na giot baenon jana na nipauli ni Debata di ginjang ni ojahan na togu.

IBRANI 13:14

Nada adong inganan na hot di hita anggo di tano on; inganan tu hatiha na giot ro do na tajalahi.

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

IBRANI 9:8

Sian Tona i, tangkas ma diajari Tondi Parbadia hita, salolot laing jongjong dope bandar bagian na di jolo i, na so tarbuka dope dalan masuk di hita tu Bilik Na Sun Badia i.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.

HALUMBAAN 3:12

Sanga ise na monang, baenonKu ma gabe songon tiang partunggul di bagas na badia inganan ni DebatangKu, jana nada morot-morot be ia sian inganan i. SuratkononKu ma tu halahi sandiri goar ni DebatangKu dohot goar ni kota ni DebatangKu – i ma Jerusalem na imbaru na giot mijur sian banua ginjang. Laing suratkononKu ma dohot goarKu na imbaru tu diri ni halahi.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.