JOHANNES 14:18 - BIBEL JAMITA NA DENGGAN

¹⁸ Nada pola padiaronKu hamu mardangol-dangol. Mulak do Au mandapotkon hamu.

JOHANNES 14:18 ပူးပေါင်းရင်းမြစ်များ

MASMUR 101:2

Giot mangolu au nian so targora andigan pe Ho ro tu iba? Giot badia do ngolungku di bagasku,

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

ANDUNG 5:3

Madung gabe tinggal menek hami, na so marama; inanami pe madung songon angka ina na mambalu.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

JOHANNES 14:16

Dung i Hupangido pe tu Ama i, anso dilehen Ia Pangurupi na asing di hamu, na tinggal rap dohot hamu salolot-lolotna,

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

JOHANNES 16:16

“Hum santongkin nari noma, nada idaonmunu be Au, tapi santongkin nari muse, idaonmunu ma Au.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

IBRANI 2:18

Dohot dalan na songon i, haurupan Ia ma sanga ise halak na hona pandugaan, harana Ia sandiri pe madung jungada hona pandugaan jana manaon parkancitan.