JOHANNES 14:17 - BIBEL JAMITA NA DENGGAN

¹⁷ i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

JOHANNES 14:17 ပူးပေါင်းရင်းမြစ်များ

PODA 14:10

Jop ni roha dohot arsak nisimpan di bagasan andora; nada tarhilala halak na asing i songon pangkilalaanniba.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 59:21

BaenonKu ma parjanjian dohot hamu: LehenonKu kuaso dohot pangajaranKu tu hamu. Ingot jana patulus hamu ma angka pangajaranKi jana ajarkon hamu ma i tu angka dakdanakmunu dohot tu pomparanmunu, anso laing dohot halahi marningot dohot patuluskonsa.”

JEHESKIEL 36:27

DuruskononKu ma tondingKi tu bagasan rohamunu jana sai jagoanKu ma hamu anso mardalan mangihutkon angka aturan na sian Au jana anso mangoloi di sude na Huparentahon.

MATEUS 10:20

Nada hamu na giot mangkatai disi, Tondi ni Ama na di banua ginjang i do, tapi markite-hite hamu.

JOHANNES 14:16

Dung i Hupangido pe tu Ama i, anso dilehen Ia Pangurupi na asing di hamu, na tinggal rap dohot hamu salolot-lolotna,

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

1 KORINTUS 14:15

Antong, bia noma? On noma sibaenonniba: Martangiang ma iba dohot tondiniba, tapi martangiang muse ma iba dohot rohaniba. Marende ma iba dohot tondiniba, tapi laing giot marende muse ma iba dohot rohaniba.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

1 KORINTUS 3:16

Diboto hamu dehe, na Bagas Ni Debata do hamu? Songon i muse na maringanan do Tondi Ni Debata di hamu?

1 KORINTUS 6:19

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu.

2 KORINTUS 13:5

Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

GALATIA 4:6

Dibaen dakdanak ni Debata do hamu, disuru Debata muse ma Tondi Ni AnakNia i masuk tu bagasan rohanta, i ma Tondi na pio-pio, “Abba, ale Amang.”

EPESUS 2:22

Di na mardomu i dohot Kristus, na nipajongjong do hamu rap dohot halak na asing gabe sada Bagas Ni Debata; maringanan do Debata disi dohot TondiNia.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

2 TIMOTEUS 1:14

Mardongan pangurupi ni Tondi Parbadia na maringanan di bagasan hita, angkon jagohononmu ma sadenggan-dengganna angka na mararga na dung dihaporsayahon tu ho.

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.

1 JOHANNES 3:24

Barang ise na mangoloi angka na niparentahonNia, na maringanan do ia di bagasan Debata, jana Debata di bagasan ia. Jana taboto ma bahaso Debata maringanan di bagasan hita, i ma hara ni Tondi na dung dilehenNia tu hita.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

1 JOHANNES 4:6

Sian Debata do haroronami; barang ise mananda Debata, tangihononna do hami. Barang ise na so sian Debata, nada tangihononna hami. Sian i do tatanda Tondi hasintongan dohot tondi na paliluhon.

1 JOHANNES 5:7

Jadi adong do tolu saksina:

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”