JOHANNES 14:12 - BIBEL JAMITA NA DENGGAN

¹² Hudok ma tu ho: Satutuna sanga ise na porsaya tu Au, tarbaen ia ma mangkarejohon angka karejo songon na Hupambaeni i, salang na gumodang sian i pe tarbaensa – angke na kehe mandapotkon Ama i do Au.

JOHANNES 14:12 ပူးပေါင်းရင်းမြစ်များ

MATEUS 21:21

“Satutuna, Hudok ma tu hamu, anggo porsaya do hamu jana inda adong ganggu ni roha, tarbaen hamu do songon na Hubaen i tu bona ni gala-gala i. Inda hum i sajo, salangkan tu dolok an pe tardokkon hamu do, ‘Morot ma ho, ambung ma ho tu laut.’ Tulus do i!

MARKUS 11:13

Sian na dao dope diida Ia ma sangkambona gala-gala, sarmak bulungna i. Jadi kehe ma Ia mangaligi gala-gala i betak na adong batuna. Hape dung lalu Ia tu bonana i, hum bulungna sajo do. Angke nada musim marbatu gala-gala hatiha i.

MARKUS 16:17

Anggo tu angka na porsaya lehenon ma angka tanda-tanda ni kuaso sisongon on: Usiron ni halahi ma angka setan mamake goarKu. Mangkobari ma halahi dohot hata na so binoto ni halahi.

JOHANNES 14:28

Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.

JOHANNES 16:7

Torus torang ma Hupaboa tu hamu: Maruntungan do hamu muda kehe Au; harana anggo so kehe Au, nada tulus ro Pangurupi i tu hamu. Tapi muda kehe Au, suruhononKu ma Ia ro tu hamu.

JOHANNES 4:37

Jadi tutu do hata ni pandohan on, ‘Halak do manyuan, hape na asing do manyabi.’

JOHANNES 5:20

Angke na holong do roha ni Ama i mida Anak i. Dipatidahon Ia muse do sasude na nibaenNia sandiri tu AnakNia i, dohot angka pambaenan na gumodang, patidahononNia dope tu AnakNia i anso longang hamu.

JOHANNES 7:33

Didok Jesus ma, “Hum santongkin nari noma Au rap dohot hamu. Dung i mulak ma Au mandapotkon na marsuru Au.

JOHANNES 7:39

Tondi Ni Debata do na nidok ni Jesus disi, i ma na giot sijagiton ni angka na porsaya tuSia. Harana nada podo ro Tondi Parbadia i, hara ni na so dipasangap dope Jesus.)

BAENON NI ANGKA RASUL 10:46

Angke dibege halahi do mangkobari angka bangso na asing i di bagasan hata na marragam-ragam dohot mamuji-muji hagodangan ni Debata. Jadi didok si Petrus ma,

BAENON NI ANGKA RASUL 16:18

Sanga na piga ari sai songon i ma dipardokkoni ia. Goyak ma roha ni si Paulus umbegesa, gabe humusor ma ia manaili tu anak boru i didok ia ma tu tondi i, “Mangasahon goar ni Jesus Kristus, huparentahon anso ruar ho sian anak boru i!” ning ia. Manigor ditadingkon tondi i ma anak boru i.

BAENON NI ANGKA RASUL 19:12

Hum sapu tangan pe sanga abit pangalilit ni gonting na jungada dipake si Paulus diboan tu angka halak na marnyae, manigor malum ma i jana angka tondi na jahat pe marmorotan ma sian halahi.

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

BAENON NI ANGKA RASUL 2:41

Bahat do halak na porsaya tu na nidok ni si Petrus i, jana tardidi ma halahi. Gabe martamba ma bilangan ni na porsaya di na sadari i, tolu ribu halak.

BAENON NI ANGKA RASUL 4:16

Didok halahi ma, “Aha noma sibaenonta tu halahi? Madung diboto sude pangisi ni Jerusalem on hahomangan na so jungada masa on, halahi do mambaen i. Jana nada tarsoadahon hita i.

BAENON NI ANGKA RASUL 4:33

Mardongan kuaso na godang, disaksihon angka rasul i ma na dung mangolu Jesus mangulahi. Jadi bahat sajo do pasupasu ni Debata di halahi.

BAENON NI ANGKA RASUL 4:4

Tapi anggo angka na dung umbege pangajaran ni angka rasul i, bahat do na porsaya. Gabe martamba ma bilangan ni halahi jabat adong hira-hira lima ribu halak.

BAENON NI ANGKA RASUL 5:15

Jana diparobani halak i do angka na marnyae, dibaen ma halahi di podoman sanga di lage, jana dioban ma halahi tu dalan, anso dais nada apala halinu ni si Petrus tu halahi muda mamolus si Petrus disi.

BAENON NI ANGKA RASUL 6:7

Jadi mur rarat ma hata ni Debata, martamba ma bilangan ni angka sisean di Jerusalem, angka malim pe bahat do na gabe porsaya.

BAENON NI ANGKA RASUL 8:7

Harana marruaran ma angka tondi na jahat sian bahat halak, mangangguhi marsora na gogo. Halak na onyangon pe dohot na matimpang laing bahat do na dipamalumsa.

BAENON NI ANGKA RASUL 9:34

Didok si Petrus ma tu bayo i, “Jesus Kristus do pamalumkon ho, Eneas! Jongjong ma ho, hobasi ma podomanmi,” ning ia. Di na santongkin i manigor jongjong ma si Eneas.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.