JOHANNES 14:10 - BIBEL JAMITA NA DENGGAN

¹⁰ O, ale Pilipus! Adong he laing na so porsaya do ho na sada do Au dohot Ama i jana Ama i sada dohot Au? Sudena na Hudok on tu ho nada sian roha-rohangKu sandiri i. Damang na sai maringanan di bagasan Au, Ia do na mangkarejohon i sudena.

JOHANNES 14:10 ပူးပေါင်းရင်းမြစ်များ

JOHANNES 10:30

Sada do Au dohot Damang.”

JOHANNES 10:38

Tapi muda Hukarejohon karejo ni Damang, haru pe nada porsaya hamu tu Au, saotik-otikna angkon haporsayaanmunu ma nian na Hubaen i, anso diboto jana diastui hamu na sada do Damang dohot Au, jana Au sada dohot Damang.”

JOHANNES 11:26

Halak na mangolu jana na porsaya tu Au, nada mate be ia salolot-lolotna. Porsaya dehe ho disi?”

JOHANNES 12:49

Jana songon i do tutu! Harana Au pe nada jungada Au mandok hata sian roha-rohangKu sandiri; Damang na marsuru Au, Ia do na mamarentahon tu Au sanga aha na angkon dokkononKu jana sanga aha sipabotohononKu.

JOHANNES 14:11

Porsaya ma hamu di Au, na sada do Au dohot Ama i, jana Ama i dohot Au. Tapi porsaya ma hamu tu Au hara ni sude angka parkarejoan i.

JOHANNES 14:20

Di hatiha i tangkas ma botoonmunu, na di bagasan Damang do Au, hamu pe di bagasan Au jana Au di bagasan hamu.

JOHANNES 14:24

Sanga ise na so mangkaholongi Au nada ihutkonon ni i angka pangajaranKu. Angka pangajaran na nibegemunu i, nada pangajaranKu i. Tapi pangajaran ni na marsuru Au do i, i ma Damang.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 5:17

Tapi didok Jesus ma tu halahi, “Tongtong do markarejo Damang; jana Au pe angkon laing markarejo do.”

JOHANNES 5:19

Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

JOHANNES 7:16

Dialusi Jesus ma, “Sanga aha na Huajarkon i nada pangajaranKu i, tapi pangajaran ni na marsuru Au do i.

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

JOHANNES 8:38

Na nipatidahon ni Damang tu Au, i do na Huhatahon; jana hamu pe dibaen hamu do sanga aha na nisuruhon ni amangmunu sibaenonmunu.”

JOHANNES 8:40

Hasintongan na Hubege sian Debata, hum i sajo do na Hupaboa tu hamu, hape mur giot bunuonmunu dope Au. Anggo si Abraham nada dibaen ia songon i!

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

KOLOSSE 1:19

Na nihagiotan ni Debata sandiri do anso sasudena na dapot di bagasan diri ni Debata sandiri adong muse sudena i di diri ni AnakNia i.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

1 JOHANNES 5:7

Jadi adong do tolu saksina: