JOHANNES 13:38 - BIBEL JAMITA NA DENGGAN

³⁸ Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

JOHANNES 13:38 ပူးပေါင်းရင်းမြစ်များ

PODA 16:18

Ginjang ni roha mambaen hasegoan; bulbul mambaen hasarsaran.

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

PODA 29:23

Na laho madabu do siginjang roha sipasangapon do halak na toruk roha.

MATEUS 26:34

Dung i ninna Jesus ma tusia, “Tangihon jolo: Borngin on taran so martahuak manuk dope, ma tolu noli dokkononmu na so ditanda ho Au.”

MARKUS 14:30

“Tutu do na Hudok on, laing di borngin on painte so tahuak manuk padua nolihon, ma tolu noli diporso ho na so nitandamu Au,” ninna Jesus.

LUKAS 22:33

Dialusi si Petrus ma, “Olo Tuhan, rade do au masuk tu hurungan jana mate rap dohot Ho!”

LUKAS 22:34

Tapi didok Jesus ma, “Au ma mandok di ho Petrus, dompak so martahuak dope manuk sadari on, tolu noli ma dokkononmu, na so ditanda ho Au.”

JOHANNES 16:31

“Saonnari madung porsaya dehe hamu?” ninna Jesus tu halahi.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

BAENON NI ANGKA RASUL 11:10

Jabat tolu noli huida pangalaho i jana ujungna diangkat ma sudena i tu langit.

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.