JOHANNES 13:27 - BIBEL JAMITA NA DENGGAN

²⁷ Disi dijagit si Judas roti i, manigor susur ma Sibolis i tusia. Dung i didok Jesus ma tusia, “Pasigop ma baen sanga na aha giot baenonmu!”

JOHANNES 13:27 ပူးပေါင်းရင်းမြစ်များ

1 RAJA-RAJA 18:27

Dung potang ari, mamungka ma si Elia mangalayas-layasi halahi. “Pagogo hamu ma sora ni tangiangmunu i! Inda he debata do ia? Aropku na topet kehe do ia mardalanan! Sanga betak na hatiha modom dope ia, jadi angkon sunggulanmunu do ia!”

MASMUR 109:6

Padiar ma halak na jurngit mangadili musungki jana diuhumi alona sandiri.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

DANIEL 2:15

Manat-manat ma si Daniel marsapa tu si Ariokh sanga hara ni aha umbaen na ruar parenta ni raja i na songon i kejamna. Dipaboa si Ariokh ma tu si Daniel sanga aha na masa.

MATEUS 12:45

Dipiohon ia ma pitu nari tondi na asing na jumahat sian ia. Dung i masuk ma halahi tu pamatang ni jolma i, disi ma halahi maringanan. Gabe mur jumahat ma pangalaho ni halakna i sian na parjolo i. Songon i muse ma na masa tu na sasundut na jahat on.”

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MARKUS 6:25

Manigor mangulahi ma anak boru i mandapotkon raja i mandok, “Hupangido ma di raja i anso dilehen di au manigor saonnari ulu ni si Johannes Pandidi, dibaen di ginjang ni sada talam!”

LUKAS 22:3

Dung i disonggopi Sibolis ma si Judas na nigoaran muse si Iskariot, i ma sahalak sian sidua bolas halak sisean ni Jesus.

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

JOHANNES 13:28

Nada adong na umboto sian halahi na juguk mangan disi, sanga hara ni aha umbaen na didok Jesus songon i tu si Judas.

JOHANNES 6:70

Dialusi Jesus ma tu halahi, “Au do nian mamili hamu na dua bolas halak on. Tapi haru songon i pe gabe songon Sibolis do sahalak sian hamu!”

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?