JOHANNES 13:23 - BIBEL JAMITA NA DENGGAN

²³ Tapi adong ma sahalak sisean haholongan ni roha ni Jesus juguk di lambungNia.

JOHANNES 13:23 ပူးပေါင်းရင်းမြစ်များ

2 SAMUEL 12:3

hape anggo na pogos i hum sada do anak ni biri-birinia, na nitobusannia. Dipahan-pahan ia ma anak ni biri-biri i lopus magodang di bagasan bagasnia rap dohot angka dakdanaknia. Dohot do anak ni biri-biri i mangankon sian panganon ni halahi i, minum pe sian mangkuknia do, jana modom di ampuannia; dibaen ia do, songon borunia sandiri.

LUKAS 16:22

Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

JOHANNES 11:36

Gabe didok halak Jahudi i ma, “Ligi ma, holong ni rohaNia i tu si Lasarus!”

JOHANNES 11:5

Tutu do, holong do roha ni Jesus mida si Marta dohot anggina i songon i tu si Lasarus.

JOHANNES 13:24

Jadi dihilap si Simon Petrus ma tusia anso disapai ia tu Jesus sanga ise na nidok ni Jesus.

JOHANNES 13:25

Dung i dipadonok ia ma tu Jesus laho manyapai ning ia ma, “Ise dehe i, Tuhan?”

JOHANNES 19:26

Diligi Ia ma tu inangNia dohot sisean na nihaholongan ni Jesus na jongjong disi. Dung i didok Jesus ma tu inangNia i, “Ligi ma inang, anakmu do indon.”

JOHANNES 20:2

Dung i marlojong ma ia manjalahi si Simon Petrus dohot sisean na asing haholongan ni Jesus i, didok ia ma tu halahi, “Madung dibuat halak bangke ni Jesus; nada hami boto sanga di dia dipayakkon bangkeNa i!”

JOHANNES 21:20

Di na manaili si Petrus, diida ia ma sisean haholongan ni Jesus i di pudinia. (I ma na juguk di lambung ni Jesus hatiha na mangan borngin-borngin i, na manyapai tu Jesus, “O Tuhan, ise dehe na giot manghianat i tu Ho?”)

JOHANNES 21:24

Jadi sisean on ma na mangalehen hasaksian taringot tu angka na masa on. Laing ia muse do na manyuratkon on. Jana taboto do bahaso na tutu na nidoknia i.

JOHANNES 21:7

Didok sisean haholongan ni Jesus i ma tu si Petrus, “Tuhan i do i!” ning ia. Jadi dung dibege si Petrus didok bayo i, “Tuhan i do i,” manigor dipake ia ma abitnia mangulahi (harana madung sanga buka baju ia) mangambur ma ia tu aek i.