JOHANNES 13:21 - BIBEL JAMITA NA DENGGAN

²¹ Dung didok Jesus songon i, marsak sajo ma rohaNia di bagasan. Dung i torus torang ma didok Ia, “Tutu do na Hupaboa on tu hamu: Sahalak sian hamu giot manghianati tu Au.”

JOHANNES 13:21 ပူးပေါင်းရင်းမြစ်များ

MATEUS 26:21

Jadi hatiha na mangan i halahi mandok hata ma Jesus, “Tangihon hamu jolo: Sahalak sian hamu giot manghianat tu Au.”

MATEUS 26:38

Didok Ia ma tu anak siseanNia i, “Marsak sajo do Au, songon na giot mate Huhilala. Dison ma jolo hamu, anso dohot hamu marjonggor rap dohot Au.”

MARKUS 14:18

Jadi hatiha na mangan i halahi di meja na disi didok Jesus ma, “Tangihon hamu ma on! Sahalak sian hamu na rap mangan dohot Au saonnari giot manghianat tu Au.”

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

JOHANNES 11:33

Dung diida Jesus tangis si Maria jana dohot muse ma halak Jahudi na marroan i dohot si Maria tangis muse, gabe marsak jana ibo sajo ma roha ni Jesus.

JOHANNES 11:35

Dung i tangis ma Jesus.

JOHANNES 11:38

Di bagasan arsak dohot ibo ni roha, kehe ma Jesus tu kuburan i. Songon liang na ditutup dohot batu na godang do kuburan i.

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

JOHANNES 13:22

Marsiligian ma angka siseanNia i di bagasan pangkilalaan na so martontu. Nada diboto halahi sanga ise na nidokNia.

BAENON NI ANGKA RASUL 17:16

Di na painte-intehon si Silas dohot si Timoteus si Paulus di Atena, marsak ma rohania mida kota i hara ni gokna disi angka gana-ganaan.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.