JOHANNES 13:19 - BIBEL JAMITA NA DENGGAN

¹⁹ Jolo Hupaboa hian do i tu hamu saonnari dompak so tarjadi dope, jadi muda dung tarjadi anso porsaya hamu Au do na nidok ni surat i.

JOHANNES 13:19 ပူးပေါင်းရင်းမြစ်များ

JESAYA 41:23

Paboa ma sanga aha na giot masa, anso hami boto na tutu ho debata. Baen ma jolo sada na marguna sanga na mambaen susa, anso mabiar hami jana homang roha.

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

JESAYA 48:5

Gabe sian najolo Hupaboa hian do i, dompak so tarjadi Hupabotohon humani, anso ulang didok ho: Gana-ganaanku na mangkarejohonsa, patung na hutuhil dohot patung na hutuang i na manyuruna.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MATEUS 11:3

“Hamu do lakna Amang na dijanjihon na giot ro i, sanga halak na asing dope sipainteonnami?”

MATEUS 24:25

Hara ni i, ingot hamu ma i! Madung jolo Hupaboa hian i tu hamu, taran so tarjadi dope.

LUKAS 21:13

Jadi i ma hatiha na denggan di hamu laho manyaksihon Jamita Na Denggan na sian Debata i.

JOHANNES 1:15

Ro do si Johannes gabe saksina, dipaboa ia ma: “On ma da Ia na hudokkon i: Na giot ro do Ia umpudi sian au, tapi na gumodang ulang au, angke dompak so adong dope au, madung adong hian Ia.”

JOHANNES 14:29

Jolo Hupaboa hian do i sudena tu hamu dompak so tarjadi dope, anso porsaya hamu muda dung tarjadi i muse.

JOHANNES 16:4

Tapi madung Hupaboa hian i saonnari tu hamu anso diingot hamu i saulahon muda dung dibaen halahi tu hamu na songon i, madung Hupaboa hian do i tu hamu.” “Anggo sian mulana nada pola Hupaboa hian i tu hamu, angke rap dope Au dohot hamu.

JOHANNES 4:26

“Au do Ia, na mangkataion dohot ho,” ninna Jesus.

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”