JOHANNES 13:18 - BIBEL JAMITA NA DENGGAN

¹⁸ “Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 13:18 ပူးပေါင်းရင်းမြစ်များ

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

JEREMIA 41:2

disintak si Ismael dohot sisampulu halak i ma podang ni halahi jana dibunu ma si Gedalya.

MATEUS 10:36

Jana alo ni halak, i ma donganna sabagas.

MATEUS 26:21

Jadi hatiha na mangan i halahi mandok hata ma Jesus, “Tangihon hamu jolo: Sahalak sian hamu giot manghianat tu Au.”

MATEUS 26:23

Dialusi Jesus ma, “Na manyornopkon tanganna tu mangkuk rap dohot Au, i ma ibana na giot manghianat i tu Au.

MARKUS 14:17

Jadi dung potang ari, ro ma Jesus rap dohot anak siseanNia na dua bolas halak i.

MARKUS 14:18

Jadi hatiha na mangan i halahi di meja na disi didok Jesus ma, “Tangihon hamu ma on! Sahalak sian hamu na rap mangan dohot Au saonnari giot manghianat tu Au.”

MARKUS 14:20

Dialusi Jesus ma, “Anggo halakna, sahalak sian hamu na dua bolas on. Na mangan sapinggan dohot Au, i ma ibana.

LUKAS 22:21

“Tapi ligi hamu ma! Anggo halak na manghianat tu Au, dison do ia rap dohot Au di meja on!

JOHANNES 13:21

Dung didok Jesus songon i, marsak sajo ma rohaNia di bagasan. Dung i torus torang ma didok Ia, “Tutu do na Hupaboa on tu hamu: Sahalak sian hamu giot manghianati tu Au.”

JOHANNES 13:22

Marsiligian ma angka siseanNia i di bagasan pangkilalaan na so martontu. Nada diboto halahi sanga ise na nidokNia.

JOHANNES 13:26

Dialusi Jesus ma, “Sanga tu ise Hulehen roti na Husornomkon on, i ma ibana.” Dung i dibuat Jesus ma roti i, disornomkon Ia ma tu mangkuk i; jadi dilehen Ia ma tu si Judas anak ni si Simon Iskariot.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 15:19

Sugari na sian portibi on hamu, haholongan ni portibi on do hamu songon halaknia. Tapi madung Hupili hamu sian portibi on, jana nada be halak portibi on hamu. Hara ni i do umbaen na hosom roha ni portibi on mida hamu.

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

JOHANNES 17:12

Salolot rap Au dohot halahi di portibi on, madung Hujagohon halahi markite-hite kuaso ni Damang i – i ma kuaso na nilehen ni Damang i tu Au. Madung Huondingi halahi na nipasahat ni Damang tu Au, jana umpe sada sian halahi na mago, asing ni anak mago i; anso laing tulus ma na tarsurat di Buku Na Badia i.

JOHANNES 18:32

Tarjadi pe songon on anso tulus do hata na nidok ni Jesus taringot tu pangalaho ni parmateNia.)

JOHANNES 19:24

Dung i didok angka tentara i ma sama halahi, “Ulang pola tabagi anggo on. Taundi ma manontuhon sanga ise na mandapot on.” Anso laing tulus ma tarjadi na tarsurat di Buku Na Badia i na mandok songon on, “Dibagi-bagi halahi ma pakeanKu. Jana diundi halahi ma laho manontuhon bajungKu.” I ma na dung nipatulus ni angka tentara i.

JOHANNES 19:36

Umbaen na songon i pe i, anso laing tulus do tarjadi na tarsurat di Buku Na Badia i, i ma, “Umpe sada sian holi-holiNa i na niponggol.”

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

JOHANNES 6:70

Dialusi Jesus ma tu halahi, “Au do nian mamili hamu na dua bolas halak on. Tapi haru songon i pe gabe songon Sibolis do sahalak sian hamu!”

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.

BAENON NI ANGKA RASUL 1:2

lopus tu ari hananaekNia tu banua ginjang. Dompak so manaek Ia tu banua ginjang, madung dilehen Ia hian markite-hite kuaso ni Tondi Parbadia angka tona tu angka rasul na nipiliNia i.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.