JOHANNES 13:17 - BIBEL JAMITA NA DENGGAN

¹⁷ Saonnari madung diboto hamu na songon i; jadi muda didalankon hamu songon i, martua situtu ma hamu.”

JOHANNES 13:17 ပူးပေါင်းရင်းမြစ်များ

PAMUNGKAAN 6:22

Jadi dipatulus si Noak ma sandok na niparentahon ni Debata tusia.

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.

HARURUAR 40:16

Dipatulus si Musa ma sudena songon na niparentahon ni Tuhan i.

PODA 29:18

Muda nada adong panogu-noguon ni Tuhan di sada bangso, gaor ma bangso i. Martua ma halak na maniop uhum.

JEREMIA 11:6

Dung i didok Tuhan ma tu au, “Kehe ma ho mandapotkon angka kota na di Juda dohot tu angka dalan na di Jerusalem. Palalu ma jolo tonangKon tu angka jolma na disi. Suru ma halahi mamparrohahon dohot mangoloi angka na nipangido ni parjanjianKu.

JEHESKIEL 36:27

DuruskononKu ma tondingKi tu bagasan rohamunu jana sai jagoanKu ma hamu anso mardalan mangihutkon angka aturan na sian Au jana anso mangoloi di sude na Huparentahon.

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.