JOHANNES 13:13 - BIBEL JAMITA NA DENGGAN

¹³ Digoari hamu do Au Guru dohot Tuhan. Tutu do na nidokmunu i; harana Guru do Au tutu jana Tuhan.

JOHANNES 13:13 ပူးပေါင်းရင်းမြစ်များ

JEREMIA 1:12

“Tutu do i,” ninna Tuhan, “angke madung marsadia Au patuluskon hatangKu.”

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

LUKAS 10:28

Didok Jesus ma, “Tutu do alusmi. Baen ma songon i, gabe mangolu ma ho.”

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

LUKAS 7:43

“Anggo ninna rohangku, bayo na umbahat i utangna!” ning si Simon mangalusi. “Tutu do na nidokmi,” ninna Jesus.

JOHANNES 11:2

Si Maria ma halakna na manduruskon miak na huskus i tu pat ni Tuhan i jana mangapusina dohot obuknia. Ibotonia ma si Lasarus na marnyae i.)

JOHANNES 11:28

Dung didok si Marta songon i, kehe ma ia marpio si Maria angginia i jana dihusipkon ia ma, “Madung dison Guru i, dipiohon Ia do ho.”

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

1 KORINTUS 12:3

Hara ni i hupabotohon ma tu hamu anggo halak na dipimpin ni Tondi Parbadia nada tardok halahi, “Sai hona bura ma Jesus!” Laing songon i muse nada adong sahalak pe na malo mandok, “Jesus do Tuhan!” anggo inda digohi Tondi Parbadia halakna i.

1 KORINTUS 8:6

Tapi anggo di hita, hum sada sajo do Debata. Ia do Ama na manjadihon sasudena na adong. Na giot diSia do ngolunta on. Tuhan pe hum sada sajo do, i ma Jesus Kristus. Markite-hite Ia dijadihon ma sasudena jadi hara ni Ia do umbaen na mangolu hita.

EPESUS 6:9

Hamu dongan na gabe tuan! Angkon laing songon i do hamu maradopkon angka hatobanmunu. Antak hamu ma na mamake ondam-ondam. Angkon ingotonmunu do, rap satuan do hamu dohot angka hatobanmunu i, i ma tu Tuhan na di banua ginjang i. Nada mardia imbar halak diSia.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

JAKOBUS 2:19

Nada he porsaya do ho hum sada do Debata? Denggan do i! Tapi setan i pe porsaya do jana humitir halahi hara ni biarna!