JOHANNES 12:8 - BIBEL JAMITA NA DENGGAN

⁸ Anggo halak na pogos tongtong do adong di tonga-tongamunu, tapi anggo Au nada tongtong rap dohot hamu.”

JOHANNES 12:8 ပူးပေါင်းရင်းမြစ်များ

ENDE NA GODANG 5:6

Hubuka ma pintu di haholonganku, hape ma kehe ia salpu. Lungun sajo rohangku umbege sorana, sai hujalahi, hape parcuma. Hupiohon goarna i jana hudokkoni, hape nada mangalusi.

MATEUS 26:11

Tongtong do adong na pogos rap dohot hamu, tapi anggo Au nada tongtong rap dohot hamu.

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOHANNES 13:33

Hamu angka dakdanakKu, nada sadia honok nari be Au rap dohot hamu. Jalahanmunu ma Au, tapi songon na dung Hudokkon i tu halak Jahudi, laing songon i ma dohononKu tu hamu: Nada tarbaen hamu ro tu inganan hakeheanKi.

JOHANNES 8:21

Didok Jesus dope tu halahi, “Kehe ma Au jana jalahanmunu ma Au, tapi mate ma hamu di bagasan dosamunu. Tu inganan hakeheanKu, nada tarbaen hamu ro tusi.”

PANGARATAION 15:11

Sai adong do dapot piga-piga halak na pogos dohot na hurangan di tonga-tonga ni halak Israel. Jadi hara ni i, Huparentahon tu hamu anso basa rohamunu tu halahi.”