JOHANNES 12:47 - BIBEL JAMITA NA DENGGAN

⁴⁷ Sanga ise na manangihon pangajaranKu tapi nada diihutkon Ia nada Au na manguhumisa. Angke nada na giot manguhumi portibi on umbaen na ro Au, tapi na giot paluahon do.

JOHANNES 12:47 ပူးပေါင်းရင်းမြစ်များ

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:11

Harana, laho paluahon halak na lilu do umbaen na ro Anak Ni Jolma i!]

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

LUKAS 9:56

Dung i gabe tu huta na asing ma halahi kehe.

JOHANNES 12:48

Saulahon, adong do na manguhumi sanga ise na so ra manjagit Au jana na so ra patuluskon angka na Hudok. Jamita na Hupalalu i do na gabe panguhum maradopkon halahi di Ari Parpudi.

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 5:45

Ulang ma didok rohamunu na mangaduhon hamu Au tu Damang. Si Musa do na mangaduhon hamu–harana si Musa do na nipainte-intemunu.

JOHANNES 8:26

Bahat dope na giot dokkononKu dohot uhumanKu taringot tu hamu. Tapi Hum na Hubege sian na marsuru Au, i sajo do paboaonKu tu portibi on – harana sintong do Ia.”

2 PETRUS 3:15

Etong hamu ma hasobaron ni Tuhanta i na mangalehen dalan tu hita anso dohot hita malua. Taringot tusi pe, nada he madung dibaen si Paulus surat tu hamu? Mardongan habisuhon na nilehen ni Debata do dibaen ia surat i.

1 JOHANNES 4:14

Madung hami ida sandiri Anak Ni Debata, jana saonnari hami saksihon, na dung disuru Ama i do Ia ro tu portibi on anso gabe Sipalua di portibi on.