JOHANNES 12:40 - BIBEL JAMITA NA DENGGAN

⁴⁰ “Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

JOHANNES 12:40 ပူးပေါင်းရင်းမြစ်များ

1 RAJA-RAJA 22:20

Disapai Tuhan ma, ‘Ise dehe na manyosoi si Ahab anso ra ia kehe lalu dibunu di Ramot muse?’ Jadi adong ma sian tonga-tonga ni surusuruan i na mandok songon on, adong na mandok songon i.

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 41:4

Ningku do, “Mardosa maradopkon Ho do au ale Tuhan, ibo ma rohaMu di au jana pamalum ma au.”

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

HARURUAR 10:1

Didok Debata ma tu si Musa, “Kehe ma ho mangadop tu raja i. Madung Hubaen jogal rohania dohot roha ni angka menterinia i, anso tarbaen Au patidahon angka tanda hahomangan di tonga-tonga ni halahi,

HARURUAR 11:10

Dipatupa si Musa dohot si Harun do sude tanda hahomangan i di jolo ni raja i tapi dipatangkang Debata do roha ni raja i, nada dipaloas ia tinggalkonon ni halak Israel luatnia i.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 14:8

Dipatangkang Tuhan do roha ni raja i, gabe diayak-ayak ia halak Israel na mardalan maninggalkon luat i di bagasan na niondihon ni Tuhan i.

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 7:13

Haru pe songon i laing tangkang do raja i jana nada ra ia manangihon hata ni si Musa dohot si Harun, songon na nidok ni Tuhan hian.

HARURUAR 7:3

Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir.

HARURUAR 9:12

Tapi dipajogal Tuhan do roha ni raja i, jana songon na nidok ni Tuhan hian, nada tangihonon ni raja i si Musa dohot si Harun.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JESAYA 53:5

Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JESAYA 6:9

Dung i disuru Ia ma au maroban tona sisongon on tu bangsoNia: “Torus do hamu sai manangihon, tapi nada mangastui. Sai torus do nian hamu mamparrohahon, hape nada diboto hamu sanga aha na masa.

JEREMIA 3:22

O hamu sude na manadingkon Tuhan, mulak ma hamu! PamalumonNia ma hamu, jana baenonNia ma hamu setia. Didok hamu, “Olo da, saonnari ma hami ro tu Tuhan, angke Ia do antong Debatanami.

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

JEHESKIEL 14:9

Muda adong sada panurirang hona tipu gabe dilehen ia alus na sala, Au Tuhan da na manipu ia. Au Tuhan giot paasingkon ia sian angka halak Israel jana agohononKu ia sian tonga-tonga ni bangsongKu Israel.

HOSEA 14:4

Anggo Asur nada margogo i paluahon hami, jana kudo porang pe nada tarbaensa mangurupi hami. Nada ra be hami manghobari dohot angka patung na hami baen i gabe debatanami. Ale Tuhan, holong do rohaMu di angka jolma na so adong sanga ise pe sipangasahononna.”

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MARKUS 4:12

Dibaen Debata pe songon i, anso ‘Torus do bolnang halahi mangaligi, tapi umpe diidasa, torus do halahi manangihon, tapi umpe mangarti, angke sugari diida jana diastui halahi gabe ro ma halahi tu Debata dung i gabe ampunan ni Debata ma halahi.’ ”

MARKUS 6:52

Inda diastui halahi dope taringot tu roti na lima i na gabe hahomangan. Na maolan halahi anso mangarti.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

JOHANNES 12:39

Hara ni i ma umbaen na so tarhaporsayai halahi, angke didok si Jesaya hian do songon on,

JOHANNES 9:39

Didok Jesus ma, “Laho mandalankon uhum do umbaen na ro Au tu portibi on; anso marnida angka na mapitung jana halak na marnida gabe mapitung.”

BAENON NI ANGKA RASUL 15:3

Dipataru parlagutan na di Antiokia i ma halahi lalu tu balian ni kota i, halahi pe torus ma mardalan mamolus sian Punisia lalu tu Samaria. Dipaboa halahi ma disi sanga tarbia pangalahona angka bangso na asing na so Jahudi na gabe dohot pasahat dirina tu Debata. Moga sajo do roha ni angka halak na porsaya i disi umbege barita i.

BAENON NI ANGKA RASUL 28:26

Didok Tondi i do songon on, ‘Kehe ma paboa tu bangso on: Torus do nian marbinege hamu, tapi umpe mangarti; torus do nian hamu mangaligi, tapi umpe marnida.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.