JOHANNES 12:38 - BIBEL JAMITA NA DENGGAN

³⁸ Jadi di na songon i tarjadi ma na didok ni Panurirang Jesaya. Songon on ma pandoknia, “O ale Tuhan, ise ma he na porsaya tu jamitanami? Tu ise dope patidahonon kuaso ni Tuhan?”

JOHANNES 12:38 ပူးပေါင်းရင်းမြစ်များ

2 JUJUR TAON 32:20

Jadi gabe martangiang ma Raja Hiskia dohot Panurirang Jesaya anak ni si Amos. Pio-pio ma halahi tu Debata.

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

MATEUS 15:7

O hamu angka pangalancap! Tutu do na nidok ni si Jesaya hian taringot tu hamu, di na nidoknia,

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

MATEUS 27:35

Dung i diparsilangkon halahi ma Ia. Mardadu ma halahi laho mambagi-bagi abitNia i.

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 12:39

Hara ni i ma umbaen na so tarhaporsayai halahi, angke didok si Jesaya hian do songon on,

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

JOHANNES 17:12

Salolot rap Au dohot halahi di portibi on, madung Hujagohon halahi markite-hite kuaso ni Damang i – i ma kuaso na nilehen ni Damang i tu Au. Madung Huondingi halahi na nipasahat ni Damang tu Au, jana umpe sada sian halahi na mago, asing ni anak mago i; anso laing tulus ma na tarsurat di Buku Na Badia i.

JOHANNES 19:24

Dung i didok angka tentara i ma sama halahi, “Ulang pola tabagi anggo on. Taundi ma manontuhon sanga ise na mandapot on.” Anso laing tulus ma tarjadi na tarsurat di Buku Na Badia i na mandok songon on, “Dibagi-bagi halahi ma pakeanKu. Jana diundi halahi ma laho manontuhon bajungKu.” I ma na dung nipatulus ni angka tentara i.

SURAT NI SI PAULUS TU PARLAGUTAN ROM 10:16

Tapi nada sudena halak manjagit Jamita Na Denggan i. Angke didok si Jesaya do, “O Tuhan, ise ma he na mangkaporsayai na hami baritahon i?”

SURAT NI SI PAULUS TU PARLAGUTAN ROM 10:20

Umpuluk do si Jesaya mandok, “Madung padumpang dohot Au angka halak na so manjalahi Au; jana madung Hupatidahon diringKu tu halak na so marsapa taringot tu Au.”

1 KORINTUS 1:24

Tapi anggo di halak na dung nipiohon ni Debata – halak Jahudi sanga na so Jahudi – anggo jamita i hum Kristus do jana Kristus i ma hagogoan ni Debata dohot hamaloan ni Debata.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.