JOHANNES 12:36 - BIBEL JAMITA NA DENGGAN

³⁶ Haporsayai hamu ma hatiuran i salolot laing di hamu i, anso gabe halak ni hatiuran hamu.” Dung didokkon Jesus songon i, morot ma Ia sian i jana nada ra be Ia patidahon diriNa tu halahi.

JOHANNES 12:36 ပူးပေါင်းရင်းမြစ်များ

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

MATEUS 21:17

Dung i kehe ma Jesus, ditadingkon Ia ma halahi. Kehe ma Ia tu kota Betania disi ma Ia marborngin.

MATEUS 5:14

Hamu do sondang ni portibi on. Nada tarbunihon sada kota na di ginjang dolok.

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

JOHANNES 11:54

Hara ni i nada be mardalani Jesus torang di jolo ni halak Jahudi. Ditadingkon Ia ma Judea, kehe ma Ia tu kota na margoar Efraim na donok tu halongonan. Disi ma Ia tinggal rap dohot angka siseanNia i.

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 3:21

Tapi anggo halak na mangkarejohon hasintongan, ro do ia tu na torang i; anso tarida angka pambaenna i, angke madung dibaen i markite-hite Debata.”

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

1 TESSALONIKA 5:5

Halak na mangolu di hatorangan do hamu sudena; jana angka halak arian do hamu. Nada angka halak na sian borngin hita, sanga angka halak ni hagolapan.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.