JOHANNES 12:32 - BIBEL JAMITA NA DENGGAN

³² Anggo Au muda dung dipatuginjang di ginjang ni tano, tarihonKu ma halak sudena tu Au.”

JOHANNES 12:32 ပူးပေါင်းရင်းမြစ်များ

2 SAMUEL 18:9

Dompak mangalombut bagalnia si Absalom, ompot ma marsuo ia dohot parangan ni si Daud. Mamolus bagalnia i di toru ni hayu na godang, jana sangkot ma ulu ni si Absalom di sada dangka. Marlojong torus bagalnia i, gabe tinggal ma si Absalom disi laing gantung-gantung.

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

HOSEA 11:4

Mardongan ihot-ihot holong ni roha, Hutarik halahi tu Au. Songon na mangangkat auga do Au di halahi. Hupaunduk do tu halahi laho marmamasa.

BILANGAN 21:9

Dibaen si Musa ma ulok sian tumbaga jana dibaen ia tu ujung ni sada tiang. Ganop halak na nipagut ni ulok i, gabe malum muda diligi ia tu ulok tumbaga i.

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

JOHANNES 12:34

Didok halak na bahat i ma tuSia, “Anggo mangihutkon Buku Tona ni ugamonami, salolot-lolotna do mangolu anggo Kristus i. Biasi do didokkon Ho patuginjangon di ginjang tano Anak Ni Jolma i. Ise lakna Anak Ni Jolma i?”

JOHANNES 18:32

Tarjadi pe songon on anso tulus do hata na nidok ni Jesus taringot tu pangalaho ni parmateNia.)

JOHANNES 19:17

Kehe ma Jesus, diporsan Ia sandiri ma hayu parsilangNia tu inganan na margoar “Partangkurahan”. (Di saro Ibrani didok Golgota.)

JOHANNES 3:14

“Songon ulok tumbaga na nipatuginjang ni si Musa di sada hayu di halongonan i, laing songon i muse ma Anak Ni Jolma i angkon dipatuginjang,

JOHANNES 6:44

Nada tarbaen sanga ise pe ro tu Au, anggo so disosoi Damang na marsuru Au halakna i tu Au; jana pangoluonKu ma halahi di Ari Parpudi.

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

1 TIMOTEUS 2:6

Madung dipasahat Ia diriNia gabe partobus humopkop sudena, anso disaksihon di hatiha na nitontuhon Debata.

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.