JOHANNES 12:3 - BIBEL JAMITA NA DENGGAN

³ Dung i ro ma si Maria maroban hira-hira satonga liter narwastu, i ma miak na lobi huskus jana na arga situtu. Diusehon ia ma miak i tu pat ni Jesus jana diapus ia ma dohot obuknia. Gabe huskus ma sude bagas i hara ni uap ni miak na huskus i.

JOHANNES 12:3 ပူးပေါင်းရင်းမြစ်များ

MASMUR 132:2

Ulang halupahon janjinia, ale Debata ni si Jakob, haulnia na tu Ho, Tuhan Na Gumogo.

PODA 27:16

Nada tarsuru i anso hohom, songon alogo na so tarambat dohot miak na so targolom.

ENDE NA GODANG 1:12

Dompak juguk rajangki di mejania, huskus ni miak nardusku manggohi udara.

ENDE NA GODANG 1:3

Muab na huskus situtu do miakmu, songon miak wangi na marserak do goarmu. Hara ni i, holong do roha ni sude bujing-bujing tu ho!

ENDE NA GODANG 4:10

Tabo ni holongmi ale tunanganku, tumabo do holongmi sian anggur; humuskus do miak na dipakemi sian sude rempah-rempah!

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

LUKAS 7:46

So adong dibaen ho miak tu ulungKu, hape anggo anak boru on miak na huskus do diusehon ia tu patKu.

JOHANNES 11:2

Si Maria ma halakna na manduruskon miak na huskus i tu pat ni Tuhan i jana mangapusina dohot obuknia. Ibotonia ma si Lasarus na marnyae i.)

JOHANNES 11:28

Dung didok si Marta songon i, kehe ma ia marpio si Maria angginia i jana dihusipkon ia ma, “Madung dison Guru i, dipiohon Ia do ho.”

JOHANNES 11:32

Dung lalu si Maria tu inganan ni Jesus jana diida ia ma Jesus, marsinggang ma ia di jolo ni Jesus mandok, “O Tuhan, sugari dison Tuhan i, nada jabat mate ibotongki!”

JOHANNES 19:39

Dohot do si Nikodemus, i ma na ro borngin-borngin nabaruon mandapotkon Jesus, rap dohot si Josep. Dioban si Nikodemus ma angka ramu-ramuan mur dohot aloe marborat-borat tolu pulu kilo.