JOHANNES 12:29 - BIBEL JAMITA NA DENGGAN

²⁹ Dibege halak na bahat na disi do sora i. Didok halahi ma, “Ronggur do i!” Tapi adong muse do mandok, “Nada! Surusuruan do i mangkobari tuSia!”

JOHANNES 12:29 ပူးပေါင်းရင်းမြစ်များ

JOB 40:9

Gogo ma he ho songon Au? Tarbaen ma he mangaronggur soramu songon sorangKu?

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

JEHESKIEL 10:5

Tarbege ma pamakpak ni habong ni angka kerub i lopus tu alaman parduru i songon sora ni Debata Na Markuaso i.

BAENON NI ANGKA RASUL 9:7

Anggo angka dongan ni si Saulus i nada malo be mangkuling hara ni biarna; angke dibege halahi do antong sora i, hape nada adong diida halahi sanga ise pe.

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.

HALUMBAAN 14:2

Jadi hubege ma sada sora na mardorom sian langit songon sora ni sampuran na godang dohot songon sora ni ronggur na godang na matuoror. Habegean ma sora i songon sora ni musik sian angka parhasapi na topet mamiltik hasapina.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.

HALUMBAAN 8:5

Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.