JOHANNES 12:28 - BIBEL JAMITA NA DENGGAN

²⁸ Pasangap ma goarMu da Amang!” Dung i tarbege ma sora sian langit na mandok, “Madung Hupasangap i tapi pasangaponKu dope i mangulahi.”

JOHANNES 12:28 ပူးပေါင်းရင်းမြစ်များ

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 11:26

Olo, Amang, dibaen na songon i do hagiot ni rohaMu.”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MARKUS 1:11

Dung i tarbege ma sada sora sian langit mandok, “Ho do Anak haholongan ni rohangKu. Tu Ho ma Jop ni rohangKu.”

MARKUS 14:36

Didok Ia ma, “Abba, o Amang, inda adong na so tarpatupa Ho ale Amang. Buat ma parkancitan on sian Au. Tapi, ulang ma marguru tu lomo ni rohangKu tapi lomo ni rohaMu ma Amang.”

MARKUS 9:7

Dung i ro ma ombun mangkolipi halahi, jana tarbege muse ma sora sian ombun i mandok, “On ma AnakKu, na Huhaholongi, tangihon ma Ia!”

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

LUKAS 9:35

Dung i tarbege ma sian ombun i sada sora na mandok, “On ma AnakKu na Hutodo i. Tangihon ma Ia!”

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

JOHANNES 18:11

Didok Jesus ma tu si Petrus, “Sarungkon ma podangmi, nada he angkon inumonKu do panginuman parkancitan na nilehen ni Damang i tu Au?”

JOHANNES 9:3

Dialusi Jesus ma, “Mapitung pe ia nada hara ni na mardosa ia jana nada hara ni na mardosa simatobangnia. Mapitung pe ia anso diida halak do kuaso ni Debata markarejo di bagasan dirinia.

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

EPESUS 3:21

Sai dipasangap parlagutan i ma nian Debata marsundut-sundut markite-hite Jesus Kristus. Tarpuji ma Debata salolot-lolotna! Amen.

2 PETRUS 1:17

Dohot do hami disi di na nilehen ni Debata Ama i diSia hamuliaan dohot hasangapan i. Tarbege do di hatiha i sora sian Na Sun Marmulia i mandok songon on, “On do Anak haholonganKu; jop do rohangKu mida Ia!”