JOHANNES 12:26 - BIBEL JAMITA NA DENGGAN

²⁶ Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 12:26 ပူးပေါင်းရင်းမြစ်များ

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

PODA 27:18

Sanga ise na marsuan-suanan panganonna do parbatuna. Dipasangap do pangoloi muda dioloi do tuanna.

BILANGAN 14:24

Tapi anggo tu naposongKu si Kaleb, nada songon i. Tongtong do dioloi ia Au. Hara ni i ma angkon obanonKu ia tu tano na dung nibolusnia i. Jana tano na hornop inganan ni halak Amalek dohot halak Kanaan saonnari gabe bagian ni pomparan ni si Kaleb naposongKi. Antong ancogot mulak ma ho Musa, kehe tu parhorsihan adop Solok Akaba.”

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MARKUS 8:34

Dung i dipiohon Jesus ma halak na bahat na disi rap dohot angka anak siseanNia i. Didok Ia ma tu halahi, “Muda adong sanga ise na giot mangihutkon Au, angkon disoadahon ia do dirina. Dung i diporsan ia ma parsilangnia baru pe anso diihutkon ia Au.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

LUKAS 9:23

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 13:16

Tutu do na Hudok on tu hamu: Nada gumodang naposo sian morana; jana nada gumodang suruan sian na marsurusa.

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

JOHANNES 15:20

Ingot hamu ma hata na Hudok on tu hamu, ‘Nada gumodang naposo sian morana.’ Muda diparkanciti halahi Au, hamu pe laing parkancitan ni halahi muse do. Muda diihutkon halahi pangajaranKi, laing ihutkonon ni halahi muse ma angka pangajaranmunu.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

2 KORINTUS 5:8

hara ni i do umbaen na sobar rohanami. Jopan do rohanami sugari malua nian sian bagasan pamatang on, anso tarbaen hami sainganan dohot Tuhan.

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

KOLOSSE 3:24

Diboto hamu do bahaso sian Tuhan i do jagitonmunu, na dung ditontuhon hian. Kristus do Tuan i jana hamu ma angka hatobanNia.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.