JOHANNES 12:23 - BIBEL JAMITA NA DENGGAN

²³ Dung i didok Jesus ma tu halahi, “Madung dapot hatihana pasangapon Anak Ni Jolma i.

JOHANNES 12:23 ပူးပေါင်းရင်းမြစ်များ

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 26:45

Dung i didapotkon Ia ma mangulahi angka anak siseanNia i didok Ia ma tu halahi, “Modom ma hamu huhut maradian. Ligi hamu ma, ma dapot hatihana laho pasahatkon Anak Ni Jolma i tu angka halak pardosa.

MARKUS 14:35

Dipadao Jesus ma kehe saotik, manungkap ma Ia tu tano laho martangiang. Dipangido Ia di bagasan tangiang sugari tarbaen indangkon sai ditaon Ia parkancitan i.

MARKUS 14:41

Dung i ro ma Ia patolunolihon, jana didokkon Ia ma tu halahi, “Modom ma hamu santongkin nari jana maradian. Tuk ma i, madung ro hatiha i. Ligi ma nipasahat ma Anak Ni Jolma tu tangan ni halak pardosa.

JOHANNES 12:16

Anggo di hatiha i nada diastui anak sisean ni Jesus i dope taringot tusi. Tapi dung dipasangap Jesus, i ma dung diparsilangkon jana mulak mangolu Ia, baru pe diingot halahi na dung tarsurat songon i di bagasan Buku Na Badia taringot tuSia jana na dung dipatulus halahi songon i tuSia.

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 7:39

Tondi Ni Debata do na nidok ni Jesus disi, i ma na giot sijagiton ni angka na porsaya tuSia. Harana nada podo ro Tondi Parbadia i, hara ni na so dipasangap dope Jesus.)