JOHANNES 12:20 - BIBEL JAMITA NA DENGGAN

²⁰ Tapi adong do dohot halak Junani sian angka na manangkok marsomba di ari pesta i.

JOHANNES 12:20 ပူးပေါင်းရင်းမြစ်များ

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

MARKUS 7:26

Satutuna nada bagi halak Jahudi ina-ina i. Halak Siro Penisia do. Manigor dipangidohon ia ma tu Jesus, anso dipaorot Jesus setan i sian pamatang ni borunia i.

JOHANNES 12:1

Onom ari nari dompak so Pesta Paskah i, kehe ma Jesus tu Betania. Disi do tinggal ni si Lasarus na dung jungada mate jana na nipangolu ni Jesus mangulahi.

JOHANNES 12:19

Dung i marsipandohonan ma angka halak Parise i ninna halahi ma, “Nada adong gunana ro hita tuson! Ligi hamu ma, ma gabe sude na satano on mangihutkon Ia!”

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

BAENON NI ANGKA RASUL 14:1

Laing songon i ma di Ikonium. Kehe ma si Paulus dohot si Barnabas tu bagas paribadatan jana songon i ma pangkobari ni halahi di kota i mambaen bahat halak Jahudi dohot angka bangso na asing gabe porsaya tu Jesus.

BAENON NI ANGKA RASUL 16:1

Dipatorus si Paulus ma mardalan tu Derbe, lopus tu Listra. Adong do disi sahalak sisean na margoar si Timoteus. Boru Jahudi do inangnia, tapi madung porsaya tu Jesus; tapi anggo amangnia halak Junani do.

BAENON NI ANGKA RASUL 17:4

Adong ma deba na ra porsaya, manigor diihutkon halahi ma si Paulus dohot si Silas; laing songon i muse ma angka halak Junani na mangkabiari Debata jana bahat dope dohot angka dadaboru ni halak na pangkat.

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

BAENON NI ANGKA RASUL 21:28

jana marsurak-surak ma halahi, “Jo hamu halak Israel, tolong hamu jolo! On ma da halakna na pahae pahulu mangajari halak sudena taringot tu poda na maralo tu bangso Israel, na maralo tu angka na niparentahon ni Debata markite-hite si Musa songon i laho mangalo Bagas Ni Debata on. Tamba ni i dioban ia muse dope tuson angka bangso na asing na so Jahudi masuk tu Bagas Ni Debata on mambaen hodar inganan na badia on!” ninna halahi. (

BAENON NI ANGKA RASUL 8:27

Dung i kehe ma si Pilipus. Jadi adong ma sada halak Etiopia na sangap, pangarajai ni sude arta ni raja dadaboru Kandake na sian Etiopia, na dung ro tu Jerusalem giot marsimoramora.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

GALATIA 2:3

Halak Junani do nian anggo si Titus donganki, tapi nada nipaksa ia anso mangihutkon paraturan ni sunat,

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!