JOHANNES 12:18 - BIBEL JAMITA NA DENGGAN

¹⁸ I do umbaen na marroan halak na bahat i mandapotkon Jesus, harana madung dibege halahi na nibaenNia hahomangan i.

JOHANNES 12:18 ပူးပေါင်းရင်းမြစ်များ

LUKAS 19:37

Jadi dung marayak lalu Jesus tu Jerusalem, di panuatan na di Dolok Zetun, marsurahi ma halak na bahat angka na mangihutkon Jesus mamuji-muji Debata dohot sora na gogo, hara ni sude hahomangon na niida ni halahi.

JOHANNES 12:11

angke hara ni ia, gabe bahat halak Jahudi na kehe manadingkon pamimpin ni halahi gabe porsaya muse tu Jesus.

JOHANNES 12:12

Ancogotna i tarbege ma tu halak na bahat na marroan manghagodangkon Paskah i, bahaso na dung di tonga dalan Jesus laho tu Jerusalem.

JOHANNES 12:19

Dung i marsipandohonan ma angka halak Parise i ninna halahi ma, “Nada adong gunana ro hita tuson! Ligi hamu ma, ma gabe sude na satano on mangihutkon Ia!”

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 6:2

Diihutkon halak na bahat i ma Ia hara ni na dung niida ni halahi angka pangalaho hahomangan na nibaenNia dompak pamalumkon angka na marnyae Ia.