JOHANNES 12:17 - BIBEL JAMITA NA DENGGAN

¹⁷ Anggo angka na midaan Jesus hatiha na mamiohon si Lasarus haruar sian kuburan i jana dipangolu ia mangulahi, sai dipaboa-boa halahi do torus tu angka halak na asing taringot tusi.

JOHANNES 12:17 ပူးပေါင်းရင်းမြစ်များ

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 1:32

Songon on ma hasaksian na nilehen ni si Johannes taringot tuSia, “Huida ma Tondi i mijur songon darapati sian langit lalu songgop tuSia.

JOHANNES 1:34

Jadi madung tangkas huida Ia jana madung husaksihon, ‘On ma Anak Ni Debata’.”

JOHANNES 11:31

Diida halak Jahudi na marjuguhan na mangapoi si Maria di bagas i ma si Maria jongjong mopop tu ruar, gabe diihutkon halahi ma ia, harana diambang halahi na giot kehe tu kuburan do ia giot mangandungi disi.

JOHANNES 11:42

Huboto do na sai tongtong ditangihon Ho pangidoanKu, tapi Hudok pe songon i hara ni angka jolma na dison on do; anso porsaya halahi, na Ho do marsuru Au.”

JOHANNES 12:9

Bahat ma halak Jahudi na umbege, na dung di Betania Jesus. Jadi kehe ma halahi tusi. Umbaen na kehe pe halahi tusi nada hum hara ni Jesus, tapi dohot do muse hara ni na giot mangaligi si Lasarus na dung dipangolu ni Jesus mangulahi.

JOHANNES 19:35

Na marnida i sandiri do mamaritahon na masa on, anso laing porsaya hamu. Jana tutu do songon on na nidoknia i; tangkas do diboto ia songon i.

JOHANNES 21:24

Jadi sisean on ma na mangalehen hasaksian taringot tu angka na masa on. Laing ia muse do na manyuratkon on. Jana taboto do bahaso na tutu na nidoknia i.

BAENON NI ANGKA RASUL 1:22

Jadi sahalak sian hita na sai rap dohot Tuhan Jesus ma i dompak sai mardalani dope Tuhan Jesus rap dohot hita, mamungka sian na mandidihon si Johannes lopus tu na manaek Jesus tu banua ginjang sian tonga-tonganta.”

BAENON NI ANGKA RASUL 5:32

Hami ma saksi ni i sude – hami dohot Tondi Parbadia na nilehen ni Debata tu angka na mangoloi parentaNia.”

HALUMBAAN 1:2

Dipaboa si Johannes ma sudena na niidania i, i ma taringot tu jamita na sian Debata na nipasahat ni Jesus Kristus.