JOHANNES 12:1 - BIBEL JAMITA NA DENGGAN

¹ Onom ari nari dompak so Pesta Paskah i, kehe ma Jesus tu Betania. Disi do tinggal ni si Lasarus na dung jungada mate jana na nipangolu ni Jesus mangulahi.

JOHANNES 12:1 ပူးပေါင်းရင်းမြစ်များ

MATEUS 21:17

Dung i kehe ma Jesus, ditadingkon Ia ma halahi. Kehe ma Ia tu kota Betania disi ma Ia marborngin.

MARKUS 11:11

Dung i lalu ma Jesus tu Jerusalem, masuk ma Ia tu Bagas Ni Debata. Dipareso Ia ma disi humaliang. Dung i kehe ma Ia tu Betania rap dohot siseanNia na dua bolas i, harana ma golap ari.

LUKAS 24:50

Dung i dioban Jesus ma halahi tu balian, lopus tu Betania. Diangkat Ia ma disi tanganNia mamasumasu halahi.

LUKAS 7:37

Adong muse do di kota i sada dadaboru pardosa. Jadi dung tarbege tusia ro Jesus jana topet mangan di bagas ni halak Parise, ro ma ia maroban sada galas pualam na marisi miak na huskus.

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

JOHANNES 11:43

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.

JOHANNES 11:44

Dung i haruar ma bayo na dung mate i. Laing bungkus dope tanganna i dohot patna i dibaen kopenna i, jana bohina i pe laing ditutupi kopen panutup ni bohi i dope. “Buka hamu kopenna i,” ninna Jesus tu halak na disi i, “jana padalan hamu ma ia.”

JOHANNES 11:55

Jadi hatiha i giot dapot ne ma Pesta Paskah ni halak Jahudi. Ma bahat halak sian angka kota i markehean tu Jerusalem laho paiaskon diri dompak so dapot Pesta Paskah i.

JOHANNES 12:12

Ancogotna i tarbege ma tu halak na bahat na marroan manghagodangkon Paskah i, bahaso na dung di tonga dalan Jesus laho tu Jerusalem.

JOHANNES 12:20

Tapi adong do dohot halak Junani sian angka na manangkok marsomba di ari pesta i.

JOHANNES 12:9

Bahat ma halak Jahudi na umbege, na dung di Betania Jesus. Jadi kehe ma halahi tusi. Umbaen na kehe pe halahi tusi nada hum hara ni Jesus, tapi dohot do muse hara ni na giot mangaligi si Lasarus na dung dipangolu ni Jesus mangulahi.