JOHANNES 11:9 - BIBEL JAMITA NA DENGGAN

⁹ “Nada he dua bolas jom do sadari?” ninna Jesus. “Anggo arian do halak mardalan nada tartuktuk bagi na tu aha, harana torang do diida ia tano on.

JOHANNES 11:9 ပူးပေါင်းရင်းမြစ်များ

PODA 3:23

Sonang ma ho mardalan, jana nada tartuktuk ho.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JOHANNES 11:10

Tapi muda borngin do halahi mardalan, tartuktuk ma ia, angke nada adong na torang disia.”

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

1 JOHANNES 2:10

Sanga ise na mangkaholongi donganna, i do na mangolu di na torang, angke nada adong sanga aha disia na mambaen halak gabe mardosa.